महाराष्ट्र हादरला! सेक्स स्कँडल : मित्राच्या रूमवर दोन मुलींचे शोषण, व्हिडिओ प्रकरणात धक्कादायक खुलासा

Spread the love

अमरावती (प्रतिनिधी) : परतवाडा येथील सोशल मीडियावर व्हायरल झालेल्या आक्षेपार्ह व्हिडिओ प्रकरणाने आता गंभीर वळण घेतले आहे. सुरुवातीला केवळ फोटो आणि व्हिडिओ प्रसारित झाल्याचे समोर आले होते; मात्र तपासादरम्यान या प्रकरणात दोन मुलींचे लैंगिक शोषण झाल्याची धक्कादायक बाब उघड झाली आहे.
या प्रकरणातील मुख्य आरोपी अयान अहमद तनवीर अहमद (१९, रा. परतवाडा) याने पोलिसांसमोर दिलेल्या कबुलीनुसार, अमरावती शहरातील एका मित्राची भाड्याची खोली काही तासांसाठी घेऊन त्याने त्या ठिकाणी दोन मुलींवर अत्याचार केले. या कामासाठी संबंधित मित्राकडून खोली उपलब्ध करून दिली जात असल्याचेही समोर आले आहे. पोलिसांनी त्या मित्रालाही चौकशीसाठी ताब्यात घेतले आहे.
पीडित मुली अद्याप पुढे आलेल्या नसल्या तरी तांत्रिक पुराव्यांमुळे घडलेल्या प्रकाराची पुष्टी झाली असल्याची माहिती पोलिसांकडून देण्यात आली आहे.
सोशल मीडियावर मोठ्या प्रमाणात व्हायरल सामग्री
तपासात आरोपींनी तब्बल १८ व्हिडिओ आणि ३२ आक्षेपार्ह फोटो तयार करून सोशल मीडियावर प्रसारित केल्याचे निष्पन्न झाले आहे. या प्रकारामुळे परिसरात भीतीचे वातावरण निर्माण झाले आहे.
विशेष तपास पथकाची नियुक्ती
या गंभीर गुन्ह्याचा तपास जलद आणि सखोल करण्यासाठी पोलिस प्रशासनाने सुमारे ४५ ते ४७ सदस्यीय विशेष तपास पथक (SIT) स्थापन केले आहे. या पथकाचे नेतृत्व उपविभागीय पोलिस अधिकारी डॉ. शुभम कुमार यांच्याकडे सोपविण्यात आले असून, सायबर व स्थानिक गुन्हे शाखेतील अधिकाऱ्यांचा समावेश आहे.
आरोपींची भूमिका स्पष्ट
या प्रकरणात अनेक आरोपींचा सहभाग समोर आला आहे. मुख्य आरोपी अत्याचारात थेट सहभागी असून, इतर आरोपी व्हिडिओ डाउनलोड करणे, शेअर करणे आणि प्रसारित करण्यामध्ये सक्रिय होते. पोलिसांनी चार आरोपींना अटक केली असून सहा जणांना ताब्यात घेण्यात आले आहे. आणखी काही संशयितांची चौकशी सुरू आहे.
आरोपीच्या घरावर कारवाई
या प्रकरणानंतर प्रशासनाने कठोर भूमिका घेत आरोपीच्या घरावरील अनधिकृत बांधकामावर कारवाई केली. नगरपालिकेकडून पूर्वीच नोटीस देण्यात आली होती. बुधवारी त्या घराचा लोखंडी जिना हटविण्यात आला असून, उर्वरित बांधकामाबाबत पुढील निर्णय घेतला जाणार आहे.
शहरात बंद आणि संतापाची लाट
घटनेच्या निषेधार्थ अचलपूर-परतवाडा परिसरात व्यापारी प्रतिष्ठाने बंद ठेवण्यात आली. विविध संघटनांनी आरोपींवर कठोर कारवाईची मागणी केली आहे.
तणावाच्या पार्श्वभूमीवर पोलिसांनी कडेकोट बंदोबस्त ठेवला आहे. दगडफेकीच्या अफवा पसरल्या असल्या तरी पोलिसांनी त्या फेटाळून लावत नागरिकांना शांतता राखण्याचे आवाहन केले आहे.
राजकीय आणि सामाजिक प्रतिक्रिया
या घटनेनंतर विविध राजकीय पक्ष आणि सामाजिक संघटनांनी पोलिस अधिकाऱ्यांची भेट घेऊन निष्पक्ष तपासाची मागणी केली आहे. या प्रकरणामागे मोठ्या प्रमाणात गुन्हेगारी जाळे असण्याची शक्यता व्यक्त केली जात आहे.

परतवाडा येथील हे प्रकरण अत्यंत गंभीर असून केवळ व्हिडिओ व्हायरलपुरते मर्यादित नाही. यामध्ये संघटित स्वरूपाचा गुन्हा आणि पीडितांवरील अत्याचाराचा मुद्दा समोर आल्याने तपास अधिक तीव्र करण्यात आला आहे. पुढील चौकशीत आणखी धक्कादायक माहिती समोर येण्याची शक्यता नाकारता येत नाही.

HDFC ERGO कडून ‘No Limit Coverage’ हेल्थ प्लॅन लॉन्च; ₹26 प्रतिदिनात विमा!

👇🏻
https://najarkaid.com/health-insurance-india-hdfc-ergo-new-plan-launch/