रोशनसिंग राजपूत यांची श्री राष्ट्रीय राजपूत करणी सेनेच्या युवा प्रदेश कार्यकारी अध्यक्षपदी नियुक्ती
जळगाव | प्रतिनिधी – श्री राष्ट्रीय राजपूत करणी सेना (एकीकृत राष्ट्रीय राजपूत युवा संघटन, भारत) यांच्या महाराष्ट्र राज्य संघटनात्मक विस्ताराच्या अनुषंगाने जळगाव येथील श्री रोशनसिंग प्रकाशसिंग राजपूत यांची युवा प्रदेश कार्यकारी अध्यक्ष, महाराष्ट्र राज्य या पदावर नियुक्ती करण्यात आली आहे.
ही नियुक्ती महाराष्ट्र प्रदेशाध्यक्ष प्रविणसिंहजी पाटील (राजपूत) यांनी केली आली असून, नियुक्तीचा कार्यकाळ २३ जुलै २०२६ ते २२ जुलै २०२७ असा एक वर्षांचा राहणार आहे.
नियुक्तीपत्रात नव्याने नियुक्त करण्यात आलेल्या पदाधिकाऱ्यांनी संघटनेची प्रतिष्ठा व शिस्त जपत संघटनेने सोपविलेल्या जबाबदाऱ्या प्रामाणिकपणे पार पाडाव्यात, तसेच संघटना बळकट करण्यासाठी पूर्ण योगदान द्यावे, असे नमूद करण्यात आले आहे.
यावेळी महाराष्ट्र प्रदेशाध्यक्ष प्रविणसिंहजी पाटील (राजपूत) यांनी श्री रोशनसिंग राजपूत यांना पुढील कार्यासाठी शुभेच्छा देत संघटनात्मक कार्य अधिक प्रभावीपणे राबविण्याचा विश्वास व्यक्त केला.
या नियुक्तीमुळे जळगाव जिल्ह्यासह महाराष्ट्रातील युवा संघटनात्मक कार्याला अधिक बळ मिळेल, अशी अपेक्षा संघटनेच्या पदाधिकाऱ्यांनी व्यक्त केली आहे.रोशनसिंग राजपूत यांच्या निवडीबद्दल सर्वच स्तरातून अभिनंदन होत आहे.
