मुंबई : देशाची आर्थिक राजधानी मुंबईतून मोठी बातमी समोर येत आहे. मुंबईत दहशतवादी हल्ल्याचा धोका निर्माण झाला आहे. मुंबई पोलिसांच्या ट्रॅफिक कंट्रोल रूमला धमकीचा फोन आला आहे. मिळालेल्या माहितीनुसार, मुंबईवर २६/११ सारखा हल्ला करण्याची धमकी देण्यात आली आहे. हा फोन परदेशातून आला होता. यासोबतच व्हॉट्सअॅपवरून धमकीचे मेसेजही येत होते. त्यामुळे मुंबई सध्या अलर्ट मोडवर आहे.
धमकी देणारा मेसेज पाकिस्तानातून आल्याची प्राथमिक माहिती समोर आली आहे. मुंबई पोलिस आय़ुक्त विवेक फणसाळकर यांनी सदर प्रकरणी नुकतीच पत्रकार परिषदेत माहिती दिली. मुंबईवर २६-११ सारखा दहशतवादी हल्ला करणार, अशी धमकी देणाऱ्या व्यक्तीविरोधात वरळी पोलीस स्टेशनमध्ये गुन्हा दाखल करण्याची प्रक्रिया सुरु झाली आहे.
हे पण वाचा :
75,000 रुपये भरून घरी घेऊन या ‘ही’ कार ; पाहा किती लागेल EMI
खळबळजनक ! एकतर्फी प्रेमातून तरुणीची हत्या करून मृतदेह झुडपात फेकला
आदित्य ठाकरेंच्या दौऱ्यावर गिरीश महाजनांचा टोला, म्हणाले..
धमकीचा मेसेज काय?
मुंबईवर 26-11 सारखा दहशतवादी हल्ला होणार आहे, अशी धमकी देणारा मेसेज पुढील प्रमाणे आहे….
जी मुबारक हो! मुंबईवर हल्ला होणार आहे. 26-11 हल्ल्याची आठवण करून देणारा असा हल्ला असेल. मुंबईला उडवण्याची तयारी सध्या सुरु आहे. मुंबई उडवून देण्याची यूपी एटीएसची इच्छा आहे. मी पाकिस्तानातून असून माझ्यासोबत काही भारतीय आहेत. त्यांना मुंबई उडवायची आहे. तोहीद, इनाम अली, नदीम, आसिफ ज्यांना मामा नावानंही ओळखतात. खर्रस कुरेशी, मोहम्मद आसिफ, आमीर सिद्दीक, रिजवान हा मुजफ्फरनगरचा आहे. शादाब सर ऑफ सरफराज, मोहम्मद रियाज, मोहम्मद यासीर, मोहम्मद फैयाज आदी माणसं मला मदत करतील. मुंबई उडवण्याची तयारी पूर्ण झाली असून आता फक्त काही वेळ बाकी आहे. माझं लोकेशन इथे अॅड्रेस होईल, मात्र काम मुंबईत होणार. आमच्या लोकांचं कोणतंही ठिकाण नसतं… लोकेशन तुम्हाला आउट ऑफ कंट्री ट्रेस होईल, हल्ला मुंबईत होणार….
