श्री राष्ट्रीय राजपूत करणी सेना महिला विंगच्या महाराष्ट्र प्रदेशाध्यक्षपदी सौ. शुभांगी नीलेशसिंह राजपूत यांची नियुक्ती
जळगाव, दि. ३० जुलै : श्री राष्ट्रीय राजपूत करणी सेना (एकीकृत राष्ट्रीय राजपूत युवा संघटना, भारत) यांच्या महिला विंगच्या महाराष्ट्र प्रदेशाध्यक्ष पदावर सौ. शुभांगी नीलेशसिंह राजपूत यांची नियुक्ती करण्यात आली आहे. या नियुक्तीबाबतचे अधिकृत नियुक्तीपत्र राष्ट्रीय नेतृत्वाकडून जारी करण्यात आले आहे.
श्री राष्ट्रीय राजपूत करणी सेनेच्या राष्ट्रीय कार्यकारी अध्यक्षा शीला शेखावत तसेच राष्ट्रीय वरिष्ठ उपाध्यक्ष व संघटन महामंत्री योगेंद्रसिंह कटार यांनी नियुक्ती केली आहे.
संघटनेच्या विचारांचा प्रसार, महिला संघटन बळकट करणे, सामाजिक कार्यात सक्रिय सहभाग असलेल्या सौ. शुभांगी नीलेशसिंह राजपूत यांना नव्या जबाबदारीसाठी प्रदेशाध्यक्ष प्रवीणसिहं राजपूत यांनी त्यांच्या उज्ज्वल कार्यकाळासाठी शुभेच्छा व्यक्त केल्या. तसेच संघटनेची शिस्त, प्रतिष्ठा आणि संघटनात्मक मूल्ये जपत समाजहिताचे कार्य करण्याचे आवाहनही करण्यात आले.
या नियुक्तीमुळे महाराष्ट्रातील महिला संघटन अधिक सक्षम होण्यास मदत होईल, असा विश्वास देखील श्री राष्ट्रीय राजपूत करणी सेनेचे महाराष्ट्र प्रदेश अध्यक्ष प्रवीणसिहं पाटील यांनी व्यक्त केला.दरम्यान सौ. शुभांगी नीलेशसिंह राजपूत यांच्या निवडीबद्दल प्रदेश संघटक विलाससिहं पाटील, प्रदेश कार्यकारी अध्यक्ष बी. एच. खंडाळकर, युवा राज्य कार्यध्यक्ष रोशन राजपूत, जिल्हाध्यक्ष विठ्ठल मोरे,महानगर अध्यक्ष किरणराजपूत आरोग्य आघाडीचे अजय जाधव, यांच्यासह राज्यभरातून अभिनंदनाचा वर्षाव होत आहे.
