जामनेर : एकीकडे महिलांसह अल्पवयीन मुलींवर होणारे अत्याचाराच्या घटना दिवसेंदिवस वाढत असताना जळगाव जिल्ह्यातील जामनेर तालुक्यातून एक संतापजनक प्रकार समोर आला आहे. बिस्किट पुडा देण्याचा बहाणा करून ७ वर्षीय चिमुकल्यावर अनैसर्गिक कृत्य करून अत्याचार केल्याची धक्कादायक घटना समोर आलीय. याप्रकरणी पहूर पोलीस ठाण्यात एकावर गुन्हा दाखल करण्यात आला आहे.
याबाबत अधिक असे की, जामनेर तालुक्यातील एका गावात ७ वर्षीय चिमुकला हा आपल्या आई-वडील यांच्यासह वास्तव्याला आहे. २५ जानेवारी रोजी दुपारी ४ वाजता हा चिमुकला घरी एकटा असताना बाजूला राहणारा सुरेश शांताराम भोई याने त्याला जवळ बोलून बिस्कीट पुडा घेण्याचा बहाणा करून त्याला त्याच्या घरात नेले. घराचे दरावाजे बंद करून चिमुकल्यासोबत अनैसर्गिक कृत्य करून अत्याचार केला.
हे पण वाचा..
लाच भोवली ! अडावद येथील पोलीस कर्मचाऱ्यासह पंटर जाळ्यात
शेतकऱ्यांनो पिकांची काळजी घ्या ! राज्यातील ‘या’ ठिकाणी विजांच्या कडकडाटासह पावसाची शक्यता
धावती रेल्वे पकडण्याच्या नादात तोल गेला अन्.. पाहा थरारक VIDEO
प्रवाशांनो लक्ष द्या ! भुसावळ- पुणे एक्सप्रेस आजपासून तब्बल दाेन महिने रद्द
हा प्रकार घडल्यानंतर पीडित चिमुकल्याने आपल्या सोबत घडलेले प्रकार नातेवाईकांना सांगितला. संतप्त नातेवाईकांनी तातडीने पहूर पोलीस ठाण्यात धाव घेऊन तक्रार दिली. त्यांनी दिलेल्या तक्रारीवरून गुरूवार २७ जानेवारी रोजी सकाळी १० वाजता संशयित आरोपी सुरेश शांताराम भोई यांच्या विरोधात पहूर पोलीस ठाण्यात गुन्हा दाखल करण्यात आला आहे. या घटनेचा पुढील तपास पोलीस उपनिरीक्षक दिलीप पाटील करीत आहे.
