नागपूर : नागपूरमधून एक संतापजनक घटना समोर आलीय. ती म्हणजे बोलणे बंद केल्याने भर रस्त्यात युवकाने १५ वर्षीय अल्पवयीन विद्यार्थिनीला मारहाण करून तिचा विनयभंग केला. याप्रकरणी पोलिसांनी विनयभंगासह विविध कलमान्वये गुन्हा दाखल करून युवकाला अटक केली. आकाश अशोक कंगाले (वय २५, रा. हिंगणा), असे अटकेतील युवकाचे नाव आहे.
ही घटना हिंगणा पोलिस स्टेशनअंतर्गत घडली. पीडित विद्यार्थिनी दहाव्या वर्गात शिकते. आकाश हा तिच्यावर एकतर्फी प्रेम करतो. कधी कधी विद्यार्थिनी त्याच्यासोबत बोलायची. तिही प्रेम करीत असल्याचा समज आकाशचा झाला. त्यामुळे तो तिच्या मोबाइलवर संपर्क साधायला लागला. याबाबत मुलीच्या आईला कळताच तिने मुलीला फटकारले. त्यानंतर मुलीने आकाशसोबत बोलणे बंद केले.
हे पण वाचा..
10वी उत्तीर्ण आहात का? केंद्रीय औद्योगिक सुरक्षा दलात अर्ज करण्याची आज शेवटची संधी..
नवरा लग्नाचा वाढदिवस विसरला, मग भडकलेल्या पत्नीने काय केलं वाचा…
नोकरदारांसाठी होळीपूर्वी आली मोठी बातमी ; पगार ४४ टक्क्यांनी वाढणार
चार वर्षाच्या चिमुकल्याचा भटक्या कुत्र्यांनी घेतला जीव ; VIDEO पाहून अंगावर येतील शहारे
बोलणे बंद केल्याने आकाश संतापला. सोमवारी मुलगी शाळेत जात असताना आकाशने तिला अडविले. ‘बोलणे बंद का केले’ अशी विचारणा करीत तिला मारहाण केली. मुलीने घडलेला प्रकार आईला सांगितले. मुलीच्या आईने हिंगणा पोलिसांत तक्रार केली. पोलिसांनी गुन्हा दाखल करून आकाशला अटक केली.
