पंजाब सबऑर्डिनेट सर्व्हिसेस सिलेक्शन बोर्डने (PSSSB) लिपिक भरतीसाठी नुकतीच जाहिरात काढली असून यावेळी अडीच हजाराहून अधिक रिक्त जागांची पदभरती करणार आहेत.सरकारी नोकरीच्या शोधात असणाऱ्यांसाठी ही महत्वाची संधी असून इच्छुक आणि पात्र उमेदवारांनी पंजाब सबऑर्डिनेट सर्व्हिसेस सिलेक्शन बोर्डने (PSSSB)च्या अधिकृत वेबसाइटवर sssb.punjab.gov.in आपला ऑनलाइन अर्ज भरू शकतात.
PSSSB लिपिक पदासाठी ऑनलाइन अर्ज सादर करण्याची अंतिम तारीख 18 नोव्हेंबर 2021 तर आयटी लिपिक आणि लिपिक लेखा पदांसाठी अर्ज करण्याची शेवटची तारीख 21 नोव्हेंबर 2021 पर्यंत आहे. लिपिक पदांसाठी वेतन 19900 रुपये (वेतन स्तर-2) असणार आहे.
रिक्त पदांचा तपशील….
लिपिक – 2374 पदे
लिपिक आयटी – 213 पदे
लिपिक खाते – 203 पदे
एकूण रिक्त पदांची संख्या – 2789 पदे
1 जानेवारी 2021 रोजी उमेदवाराचे वय किमान 18 वर्षे असावे, तर कमाल वयोमर्यादा 37 वर्षे असावी.अधिक माहितीसाठी उमेदवारांनी अधिकृत वेबसाइटला भेट द्यावी. शिवाय, अर्ज करण्यापूर्वी उमेदवाराने प्रत्येक पदांसाठी पात्रता निकष तपासून घ्यावेत. लेखी परीक्षा आणि टायपिंग चाचणीच्या आधारे PSSSB लिपिक पदासाठी उमेदवारांची निवड केली जाईल.
लिपिक पदाचा अर्ज करण्यासाठी पंजाब सबऑर्डिनेट सर्व्हिसेस सिलेक्शन बोर्डच्या सर्वप्रथम अधिकृत वेबसाइटच्या sssb.punjab.gov.in मुख्यपेजवरील ‘करंट न्यूज’ विभागात जावे,येथे Clerk (Advt. 17/2021), Clerk IT (18/2021) किंवा Clerk Accounts (19/2021) या लिंकवर क्लिक केल्यास एक नवीन विंडो उघडेल ज्या पोस्टवर तुम्हाला अर्ज करायचाय त्या लिंकवर आणि ऑनलाइन अर्ज करून फी भरावी.अर्जात संपूर्ण माहिती भरुन झाल्यावर अर्ज सबमिट करावा.
