मुंबई :सलग तीन दिवस डिझेलच्या दरात कपात झाल्यानंतर सामान्यांच्या आशा पल्लवित झाल्या होत्या. मात्र, शनिवारी पेट्रोलियम कंपन्यांनी या दरकपातील ब्रेक लावला.आज शनिवार, 21 ऑगस्ट रोजी देशात पेट्रोल आणि डिझेलचे दर स्थिर आहेत. दरम्यान, आज जळगावात एक लीटर पेट्रोलचा भाव १०८.९८ रुपये आहे तर डिझेलचा भाव ९६.३३ रुपये इतका झाला आहे.
गेले सगल तीन दिवस डिझेलच्या दरांत सरकारी तेल कंपन्यांकडून घट करण्यात आली होती. सलग तीन दिवसांची घट झाल्यानंतर डिझेल जवळपास 60 पैशांनी स्वस्त झालं आहे. पेट्रोलचे दर मात्र गेल्या 35 दिवसांपासून स्थिर आहेत.
दररोज 6 वाजता बदलतात किमती
दररोज सकाळी 6 वाजता पेट्रोल आणि डिझेलच्या किमतीत बदल होत असतो. सकाळी सहा वाजता नवे दर लागू केले जातात. पेट्रोल आणि डिझेलच्या किमती एक्साइज ड्युटी, डिलर कमिशन आणि अन्य गोष्टी जोडल्यानंतर त्याचा भाव जवळपास दुप्पट होतो.
