जळगांव (ग्रामीण प्रतिनिधी) :- जळगांव तालुक्यातील म्हसावद येथे गावठी दारू विकी जोमात .
सविस्तर असे की सध्या जगभरात कोरोना साथरोग संसर्गजन्य रोग कोरोनावर मात करण्यासाठी आरोग्य कर्मचारी रुग्णालयात तर पोलीस रस्त्यावर कर्तव्य बजावत आहे. याचाच फायदा गल्ली बोळीत अवैध दारू विक्रेते घेत आहे. दारूबंदी नसलेल्या शहरातील परवानाधारक, बियरबार व दारुची दुकाने बंद करण्यात आली आहे. परंतू दारूबंदी असलेल्या जळगांव जिल्ह्यातील जळगांव तालुक्यातील म्हसावद येथे मात्र अवैध दारू विक्रीला उधाण आले आहे. भाजीपाला मिळणे कठीण परंतु दारू मात्र सहज उपलब्ध होत आहे अशी स्थिती आहे.
कोरोना विषाणूंचा संसर्ग रोखण्यासाठी सर्वत्र संचार बंदी लागू आहे. अशा स्थितीत केवळ जीवनावश्यक वस्तू सेवा वगळता इतर सर्व व्यवहार ठप्प आहेत. तर प्रशासनाने रेड झोन मधील दारू विक्री बंदीत घातली आहे. परंतु जिल्ह्यात दारूबंदी असताना संचार बंदीत ही दिवसभर दारू सर्वत्र मुबलक स्वरूपात उपलब्ध होत आहे. या अवैध दारू दुकानात २५ पेक्षा अधिक लोकांची गदीर्ही होत असल्याने उपविभागीय अधिकारी यांनी वेगळे पथक तयार करून कलम १४४ अंतर्गत कारवाई करण्याची नागरिकांची मागणी आहे.
