मुंबई : शिवसेना नेते एकनाथ शिंदे यांनी बंड पुकारले आहे. यामुळे शिवसेनेचे जवळपास ४० हुन जास्त आमदार शिंदे गटात दाखल झाल्याने महाविकास आघाडी सरकार संकटात आली आहे. अशात आता मुख्यमंत्री आणि शिवसेना पक्षप्रमुख उद्धव ठाकरेंनी बंडखोरांवर निशाणा साधला आहे. ठाकरे आणि शिवसेना नाव न वापरता जगून दाखवा, माझा फोटो न वापरता लोकांमध्ये वावरुन दाखवा, असं खुलं आव्हानच उद्धव ठाकरेंनी शिंदे गटाला दिलं.
उद्धव ठाकरे यांनी ‘मातोश्री’ निवासस्थानावरुन शिवसेनेच्या सर्व जिल्हाप्रमुखांना ऑनलाईन मार्गदर्शन केलं. आदित्य ठाकरेंसह सर्व पदाधिकारी शिवसेना भवनावरुन चर्चेत सहभागी झाले होते. “एकनाथ शिंदे यांच्यासाठी मी काय कमी केलं? नगर विकास खातं दिलं. माझ्याकडची दोन खाती दिली” असा सवाल यावेळी ठाकरेंनी विचारला. बुधवारी केलेल्या फेसबुक लाईव्हमध्ये एकनाथ शिंदेंचा नामोल्लेख टाळणाऱ्या ठाकरेंनी त्यांच्यावर थेट वार केल्याचं दिसतंय. संजय राठोड यांच्यावर वाईट आरोप होऊनही मी सांभाळलं. विठ्ठल-बडव्यांवर जे बोलत आहेत, त्यांचा पोरगा खासदार आहे, असं म्हणणाऱ्या मुख्यमंत्र्यांना हे बंड जिव्हारी लागल्याचं दिसत आहे.
हे पण वाचा :
मुकबधिर विवाहितेचा विनयभंग ; बोलता येत नसल्याने असे ओळखले आरोपीला
मोठा झटका, 1 जुलैपासून वाढणार हिरोच्या दुचाकींची किंमत
भाजपचे राज्यपालांना पत्र! पत्राद्वारे केली ही मोठी मागणी, वाचा जसंच्या तसं पत्र
लोकल ट्रेनला लटकणे पडले महागात; तरुणाचा हात सुटला अन्… घटनेचा थरारक Video व्हायरल
कोण कोण कोणत्यावेळी आपल्याशी कसं वागलं हे लक्षात ठेवणं आवश्यक आहे. मी त्यादिवशी मनातलं सगळं सांगितलं, आजही मन मोकळं करणार आहे. मी वर्षा सोडली म्हणजे मोह सोडला, जिद्द सोडली नाही. स्वप्नातसुद्धा मी विचार केला नव्हता की मी या पदावर जाईन, त्या पदाचा मला कधीच मोह नव्हता, असंही उद्धव ठाकरे म्हणाले.
पुढे ते म्हणाले, ऑपरेशन करणं गरजेचं होतं. आपल्याशी आपुलकीने बोलतो. दिवाळीत मला उभं राहता येत नव्हतं डळमळीत वाटत होतं. मला वाटलं मुख्यमंत्र्यांची खुर्ची हलत आहे, मात्र मग लक्षात आलं की माणेचं दुखणं आहे. डॉक्टर म्हणाले 15 दिवसात ऑपरेशन करावं लागेल आणि मी केलं.
