जन आशीर्वाद यात्रेच्या निमीत्ताने पाचोऱ्यात पहिलीच सभा – आ.किशोरआप्पा पाटील
पाचोरा- (किशोर रायसाकडा) – येथे जन आशीर्वाद यात्रेनिमित्त युवासेनेचे प्रमुख आदित्य ठाकरे यांची पहिली सभा आज दि. 18 रोजी सकाळी 11:30 वा, संभाजी चौकातील कृष्णाजी नगर परिसरातील भव्य प्रांगणात सभा होणार असून सभेची जोरदार तयारी करण्यात आली आहे.तर सभेला मतदार संघासह जिल्ह्यातून लाखाच्या वर जनसमुदाय येणार असल्याने सभा “रेकॉर्ड ब्रेक” होईल असा विश्वास भडगाव- पाचोरा चे आ.किशोरआप्पा पाटील यांनी व्यक्त केला आहे.
युवा सेना प्रमुख आदित्य ठाकरे आगामी विधानसभेची मोर्चा बांधणीसाठी राज्य भरात जन आशीर्वाद यात्रेचे आयोजन शिवसेनेकडून करण्यात आले आहे या जन आशीर्वाद यात्रेचा प्रारंभ जळगाव जिल्ह्यातून होत असूनशिवसेना नेतृत्वाने आमच्यावर विश्वास दाखवून पाचोरा येथे भव्य जनसभेचे आयोजन करण्यात आले आहे तो विश्वास आम्ही सार्थ ठरवणार असून राज्यातली पहिलीच सभा पूर्णपणे यशस्वी होईल असा आशावाद आ.किशोरआप्पा पाटील यांनी यावेळी व्यक्त केला.शिसेनेच्या तिसऱ्या पिढीतील नेतृत्व जन आशीर्वाद यात्रेच्या निमित्ताने पाचोरा- भडगाव मतदार संघात येत असल्याने शिवसेना, युवासेना मध्ये प्रचंड उत्साहाचे वातावरण असून आदित्य ठाकरे या सभेत काय बोलतात या कडे सर्वांचे लक्ष लागून आहे.
