Spread the love

थेरगावमधील एका ४० वर्षीय महिलेने रचलेलं ‘सेक्स-ट्रॅप रॅकेट’ अखेर बाणेर पोलिसांच्या धडाकेबाज कारवाईत उघडकीस आलं. या रॅकेटमध्ये गिऱ्हाईकांना आधी लॉजवर पाठवलं जाई आणि नंतर स्वतःच्याच टोळीच्या माध्यमातून त्यांना ब्लॅकमेल करून पैसे उकळले जायचे. पैशांच्या आमिषाने तरुणींना देहविक्रीत ढकललं जात होतं, तर गुन्ह्याची भीती दाखवून ग्राहकांना जाळ्यात ओढलं जात होतं. अखेर एका प्रकरणातून धक्कादायक सत्य समोर आलं आणि पोलिसांनी पाच आरोपींसह महिलेचा पर्दाफाश केला.

महिला चालवत होती रॅकेट, आधी गिऱ्हाईक लॉजवर पाठवायची, नंतर टोळी कडून ब्लॅकमेल करून पैसे उकळायची

क्राईम न्यूज- संबंध ठेवले, चोरून व्हिडीओ काढले; प्रांजल खेवलकर प्रकरणात नवा गुन्हा, महिलेनं उघड केली आपबिती

टोळीचा धक्कादायक डावपेच

सूत्रधार – थेरगावमधील ४० वर्षीय महिला.

दोन तरुणींना पैशांचं आमिष दाखवून देहविक्रीसाठी भाग पाडलं.

महिला स्वतः गिऱ्हाईकांना ओळखून विशिष्ट लॉजवर पाठवायची.

संबंध झाल्यावर गिऱ्हाईकांना बाहेर गाठून “लैंगिक अत्याचाराचा गुन्हा दाखल करू” अशी धमकी दिली जायची.

अनेकांनी भीतीपोटी पैसे दिले, तर काहींना गुन्ह्यात अडकवून अधिक त्रास दिला जायचा.

१२ ऑगस्टची घटना – सापळा उलटा पडला

१२ ऑगस्ट रोजी स्वप्ना लॉजवर असाच एक सापळा रचला गेला. ग्राहकानं पैसे देण्यास नकार दिल्यावर आरोपींनी त्याला गुंतवण्यासाठी तरुणीसह थेट पोलिस ठाणं गाठलं.

पण पोलिसांच्या चाणाक्षपणामुळे कट उघडकीस आला. चौकशीत तरुणीनेच धक्कादायक सत्य सांगितलं –
“आरोपींनी मला पैशाचं आमिष दाखवून जबरदस्तीने देहविक्रीसाठी ढकललं.”

या खुलास्यानंतर पोलिसांनी एका क्षणात संपूर्ण टोळीला जेरबंद केलं.

अटक आरोपींची नावं

नसीम सादीक उस्मानी

प्रवीण किशोर चौधरी

गुलाब सखाराम गरुड

सचिन हनुमंत जाधव

थेरगावमधील ४० वर्षीय महिला (मुख्य सूत्रधार)

पोलिसांची पुढील चौकशी

या टोळीने याआधी किती गिऱ्हाईकांना अशा पद्धतीने ब्लॅकमेल केलं, किती जणांकडून लाखोंची लूट झाली आणि किती तरुणींना देहविक्रीच्या गर्तेत ढकललं, याचा तपास पोलिस सध्या करीत आहेत. पिंपरी-चिंचवड परिसरात ही टोळी बराच काळ सक्रिय असल्याचा अंदाज व्यक्त केला जात आहे.

गुन्ह्याची भीती दाखवून ग्राहकांना लुबाडणाऱ्या आणि तरुणींना जाळ्यात ओढणाऱ्या या टोळीचा अखेर अंत झाला. महिला चालवत असलेल्या या ‘सेक्स-ट्रॅप रॅकेट’चा पर्दाफाश करून बाणेर पोलिसांनी एक मोठा गुन्हेगारी कट हाणून पाडला आहे. BARSHI CRIME स्वरूपातील ही कारवाई पुन्हा एकदा गुन्हेगारांच्या नव्या डावपेचांवर प्रकाश टाकते.