तु मागील जन्मातील अप्सरा आहेस," असे सांगून अशोक खरातने महिलेशी काय केले? ऐकून तुमच्या पायाखालची जमीन सरकेल

Spread the love

नाशिकमध्ये कथित भोंदूबाबा अशोक खरातने महिलेशी लैंगिक शोषण केल्याचा गंभीर आरोप. विश्वास मिळवून केलेल्या गैरवर्तणुकीचा तपशील व पोलिस कारवाई वाचाः

“तु मागील जन्मातील अप्सरा आहेस,” असे सांगून अशोक खरातने महिलेशी काय केले? ऐकून तुमच्या पायाखालची जमीन सरकेल

नाशिक: नाशिकमध्ये कथित भोंदूबाबा अशोक खरातचा आणखी एक धक्कादायक प्रकार समोर आला आहे. धार्मिक विधी, भविष्य सांगणे आणि तांत्रिक उपायांच्या नावाखाली महिलांची फसवणूक व लैंगिक शोषण केल्याचा गंभीर आरोप त्याच्यावर करण्यात आला आहे.

तु मागील जन्मातील अप्सरा आहेत... खरात आणखी एक काळा कारनामा उघड — तु मागील जन्मातील अप्सरा आहेत… खरात आणखी एक काळा कारनामा उघड

पीडितेवर विश्वास मिळवून केला लैंगिक शोषण
सरकारवाडा पोलीस ठाण्यात या प्रकरणी खरातविरोधात तिसरा गुन्हा नोंदवण्यात आला आहे. फिर्यादीत म्हटले आहे की, “तुझा घटस्फोट ठरलेलाच आहे, तू मागील जन्मातील अप्सरा आहेस,” असे सांगून त्याने पीडितेचा विश्वास संपादन केला. पीडित महिला विवाहित असून वैवाहिक आयुष्यातील मतभेद दूर करण्यासाठी ती खरातच्या कार्यालयात गेली होती. त्यानंतर खरातने “मी अवतारी पुरुष असून मला त्रिकाळज्ञान आहे” असा भास निर्माण करून तिचा गैरफायदा घेतला.

तुझा चांगला काळ संपला आहे, आता तुला मोठ्या अडचणींना सामोरे जावे लागेल.”, भोंदूबाबा खरातचा आणखी एक कारनामा उघडकीस

विविध तांत्रिक विधींच्या नावाखाली तिचे लैंगिक शोषण करण्यात आले, तसेच भविष्यासंबंधी भीती निर्माण करून तिच्यावर मानसिक दबाव आणला गेला.

गर्भवती झाल्याचा गंभीर आरोप
या प्रकरणातील धक्कादायक बाब म्हणजे पीडित महिला शोषणाच्या दरम्यान गर्भवती झाल्याचा आरोप आहे. नंतर खरातने गर्भपातासाठी तिला स्वतःच्या कार्यालयात बोलावून औषधे दिल्याचा फिर्यादीत उल्लेख आहे.
याशिवाय, “माझ्या नशिबात दोन विवाह आहेत, तू माझ्याशी लग्न कर, मी तुला आणि तुझ्या मुलांना सांभाळेन,” असे सांगून लग्नाचे आमिष दाखवले. 2027 मध्ये विवाह करण्याचे आश्वासन देत पीडितेच्या भावनांशी खेळ केल्याचे तक्रारीत नमूद आहे.

“नाहीतर तुझ्यावर संकट येईल” अशी धमकी
“तुझं भविष्य उज्ज्वल व्हावं असेल तर मी सांगतो तेच कर, अन्यथा तुझ्यावर संकट येईल आणि तुझ्या मुलांनाही त्याचा फटका बसेल,” अशा शब्दांत खरातने पीडितेवर मानसिक दबाव आणल्याचा आरोप तक्रारीत केला आहे. या घटनेनंतर नाशिकमध्ये संतापाची लाट उसळली असून, नागरिक अशा भोंदू व्यक्तींवर कठोर कारवाई करण्याची मागणी करत आहेत.

नाशिक पोलिसांची कडक कारवाई, खरातची अवस्था दयनीय
नाशिक पोलिसांनी अशोक खरातवर कडक कारवाई केली. विशेष तपास पथकाने त्याची सखोल चौकशी केली आणि त्याला पुन्हा गुन्हे शाखेच्या युनिट-1 कडे सोपवण्यात आले.
गुन्हे शाखेच्या कार्यालयातून बाहेर पडताना खरात अत्यंत खालावलेली अवस्था दिसत होता. चालण्याची ताकद नसल्यामुळे तो दोन पोलिसांच्या आधाराने बाहेर आला. लंगडत आणि वेदनेत चालताना त्याने हलक्या आवाजात “नाशिक जिल्हा कायद्याचा बालेकिल्ला” असे पुटपुटत म्हटले. नंतर पोलिसांच्या मदतीने तो गाडीत बसला.