अमरावती : भाऊ बहिणीच्या नात्याला काळिमा फासणारी एक संतापजनक घटना अमरावती जिल्ह्यात उघडकीला घडलीय. चुलत भावानेच आपल्या बहिणीचे लैंगिक शोषण केल्याचा धक्कादायक प्रकार समोर आला आहे. धक्कादायक म्हणजे भावाच्या अत्याचारामुळे ती गर्भवती झाल्याने प्रकरण उघड झालं. ही घटना कोतवाली पोलीस ठाण्याच्या हद्दीत उघडकीस आली आहे. या प्रकरणी पोलिसांनी आरोपी 19 वर्षीय चुलत भावाविरुद्ध गुन्हा दाखल केला आहे.
मिळालेल्या माहितीनुसार, अमरावती जिल्ह्यातील कोतवाली पोलीस ठाण्याच्या हद्दीत काही महिन्यांपूर्वी पीडित 15 वर्षीय मुलगी व तिच्या चुलत भावाची भेट झाली. यावेळी चुलत भावाने तू माझी बहीण आहेस, मला माहित आहे. परंतु तू मला खूप आवडतेस, मी तुझ्यावर खूप प्रेम करतो, असे तिला सांगितले. मात्र, या सगळ्याला त्या अल्पवयीन मुलीचा विरोध होता. परंतु, भावाने तिच्यावर जबरदस्ती करत प्रेमसंबंध निर्माण केले. त्यानंतर दोघांमध्ये मोबाईलवर बोलणे सुरू झाली.
त्याने तिचे लैंगिक शोषण केले. तेथून सलग 8 दिवस त्याने तिच्यावर लैंगिक अत्याचार केला. याबाबत माहिती पडल्यास कुटुंबातील सदस्य मारतील, या भीतीने तिने याबाबत कुणाला काहीही सांगितले नाही.
हे पण वाचा..
VIDEO ! चोपडा येथे भीषण आगीत तरुणाचा होरपळून मृत्यू
भारतातील एक गाव जिथे महिला कपडे घालत नाहीत! काय आहे परंपरा ते जाणून घ्या…
भररस्त्यात महाविद्यालयीन तरुणाने विवाहित महिलेला प्रपोज केलं अन्.. पुढे काय झालं पाहा VIDEO
500, 1000 रुपयांच्या नोटानंतर आणखी एक नोट बंद? सरकारने घेतला मोठा निर्णय!
दरम्यान, 6 फेब्रुवारी रोजी शाळेतून परत येत असताना पीडितेला स्वतःमध्ये काही शारीरिक बदल जाणवल्याने तिने याबाबत आपल्या मैत्रिणीला सांगितले. त्यानंतर ती मैत्रिणीच्या सल्ल्याने तपासणीसाठी एका रुग्णालयात गेली. यावेळी डॉक्टरांनी तिला तीन महिन्यांची गर्भवती असल्याचे सांगितले. त्यामुळे तिने याबाबत आपल्या आई व आजीला माहिती दिली. त्यानंतर आईसह पुन्हा रुग्णालयात जावून तिने तपासणी केली.त्यावेळीही ती तीन महिन्यांची गर्भवती असल्याचे सांगण्यात आले. तसेच त्यांना पोलीस ठाण्यात तक्रार करण्यास सूचविण्यात आले. त्यानुसार पीडितेने आईसह कोतवाली ठाणे गाठून तक्रार दाखल केली. तक्रारीवरून आरोपी चुलत भावाविरुद्ध गुन्हा दाखल करण्यात आला असून पुढील तपास सुरू आहे.
