जळगाव – विधानसभेनंतर महापालिकेतील धाेरणात्मक निर्णय घेण्यासाठी लगबग सुरू झाली अाहे. स्थायी समितीच्या सभापतिपदी निवड झाल्यानंतर अॅड. शुचिता हाडा यांच्या अध्यक्षतेखाली पहिलीच सभा १४ राेजी हाेत अाहे. तर १५ राेजी महापाैर सीमा भाेळे यांच्या अध्यक्षतेखाली सभा हाेणार अाहे.
स्थायी समितीची सभा गुरुवारी सकाळी ११ वाजता हाेणार आहे. सभेत एकूण ९ विषय व २४ संविदा मंजुरीसाठी सादर करण्यात आल्या आहेत. पालिकेच्या मालकीच्या मालमत्तांच्या सुरक्षेसाठी ३१ सुरक्षारक्षक नियुक्त करण्याचा प्रशासनाकडून आलेल्या प्रस्तावावर निर्णय हाेणार आहे. यासह २५ कोटी रुपयांच्या निधीतून दूध फेडरेशन ते शिवाजीनगरपर्यंतच्या रस्त्यावर दुभाजक टाकण्याच्या कामांच्या प्रस्तावावर निर्णय घेतला जाणार अाहे. तर शुक्रवारी हाेणाऱ्या महासभेतदेखील कर्मचाऱ्यांच्या सातव्या वेतनाचा महत्त्वपूर्ण निर्णय हाेणार अहे. याशिवाय सभेत गिरणा पाणी पुरवठा योजनेंतर्गत गिरणा पंपिंग, जलशुद्धीकरण केंद्र, सावखेडा व दापोरा पंपिंग येथे सुरक्षारक्षक नेमणूक करणे, तेथील मिशनरींचा लिलाव करण्यासह ११ विषयांवर चर्चा हाेणार अाहे.
