मुंबई: राज्यात राष्ट्रपती राजवट लागू झालेली असताना राज्यात राजकीय घडोमोडी घडत असून सरकार स्थापनेचे जोरदार प्रयत्न होताना दिसत आहेत. राष्ट्रवादी काँग्रेस पक्ष आणि शिवसेना यांनी सरकार स्थापन केल्यास या दोन पक्षांना काँग्रेसच्या पाठिंब्याची गरज भासणार आहे. या साठी कांग्रेसच्या वरिष्ठ नेत्यांनी दोन दिवस चर्चा केल्यानंतर तीन पानी दस्तावेज तयार केला आहे. सत्ता स्थापनेबाबत चर्चा करण्यासाठी काँग्रेसचे वरिष्ठ नेता अहमद पटेल, के. सी. वेणुगोपाल, मल्लिकार्जुन खरगे यांनी मंगळवारी राष्ट्रवादी काँग्रेसचे अध्यक्ष यांची भेट घेऊन चर्चा केली. काँग्रेसच्या या नेत्यांनी हा तयार झालेला दस्तावेज सर्वप्रथम सोनिया गांधींना दाखवला. त्यानंतरच सोनिया गांधींनी ग्रीन सिग्नल दिला. पाहुयात, कोणत्या मुद्द्यांवर या काँग्रेस आणि राष्ट्रवादी काग्रेसने कोणत्या समायिक मुद्द्यांवर सहमती दर्शवली आहे.
१. शिवसेनेसोबत सरकार स्थापन करण्यापूर्वी किमान समान कार्यक्रम निश्चिच केला पाहिजे.
२. तिन्ही पक्षांच्या वरिष्ठ नेत्यांची एक समन्वय समिती असावी
३. सत्तावाटपाचा एक निश्चित असा फॉर्म्युला तयार व्हावा. काँग्रेस पक्षाला विधानसभा अध्यक्षपदासह ४ आमदारांमागे एक मंत्रिपद द्यावे.
४. राज्यातील सत्तेबरोबरच महापालिकेचा फॉर्म्युलाही निश्चित केला जावा.
५. आम्ही शेतकऱ्यांच्या हितासाठी तसेच भारतीय जनता पक्षाला सत्तेपासून दूर ठेवण्यासाठी संयुक्त सरकार बनवत आहोत असे तिन्ही पक्षांनी संयुक्तपणे घोषित करावे.
६. राज्यपालांना द्यावयाचे सर्व पत्र बुधवार किंवा गुरुवारपर्यंत गोळा व्हावीत.
७. मल्लिकार्जुन खरगे यांचा तीन पक्षांचे सरकार बनवण्याला विरोध असून अशोक चव्हाण, पृथ्वीराज चव्हाण आणि सुशीलकुमार शिंदे सत्ता स्थापनेसाठी सोनिया गांधी यांचे मन वळवले आहे.
८. ठाकरे कुटुंबीयांपैकी कुणी मुख्यमंत्री बनावे असे कांग्रेसला वाटत नाही.
९. नव्या सरकारच्या ड्रायव्हिंग सीटवर शिवसेना असली, तरी चावी मात्र राष्ट्रवादी काँग्रेस पक्षाच्या हातात राहावी आणि काँग्रेसकडे एक स्वतंत्र ब्रेक असावा.
१०. नव्या सरकारला बाहेरून पाठिंबा देण्यापेक्षा सत्तेत सहभागी व्हावे असे काँग्रेसच्या बहुतांश आमदारांचे मत आहे.
