मुंबई : विधान परिषद निवडणुकीसाठी भाजपने नुकतीच पाच अधिकृत उमेदवारांची नावे घोषित केली असून त्यात पंकजा मुंडे यांना डच्चू देण्यात आला आहे. भाजपकडून यंदा विधान परिषदेचे विरोधी पक्षनेते प्रवीण दरेकर, भाजपचे राज्य सरचिचणीस श्रीकांत भारतीय, माजी मंत्री राम शिंदे, महिला आघाडीच्या अध्यक्षा उमा खरे आणि प्रसाद लाड यांना उमेदवारी जाहीर झाली आहे.
सध्या राज्यात राज्यसभा निवडणुकीची धुम सुरू आहे. येत्या 10 जून रोजी राज्यसभा निवडणूक होत आहे. त्यानंतर 20 जून रोजी राज्यातील 10 विधान परिषदेच्या जागांसाठी निवडणुक होईल. यासाठी भाजपने आपल्या 5 उमेदवारांची नावे जाहीर केली आहेत. दरम्यान, विधानसभा निवडणुकीत पराभव झाल्यानंतर पंकजा मुंडे यांना विधान परिषद किंवा राज्यसभेवर घेतले जाईल, अशी अपेक्षा होती. पण, गेल्या काही निवडणुकांमध्ये पंकजा मुंडे यांना सातत्याने डावलण्यात आले. यंदाही त्यांच्या नावीची जोरदार चर्चा होती, पण त्यांना संधी देण्यात आली नाही. त्यामुळे आता पंकजा मुंडे यावर काय प्रतिक्रिया देतात, हे पाहणे महत्वाचे आहे.
हे पण वाचा :
12वीच्या निकालासाठी उरले अवघे काही मिनिट, कसा तपासाल निकाल?
रिझर्व्ह बँकेने पुन्हा रेपो रेट वाढवला, EMI बोजा वाढेल
राज्यातील तासिका तत्वावर शिकवणाऱ्या प्राध्यापकांसाठी उपमुख्यमंत्र्यांनी केली ही मोठी घोषणा
मोठी बातमी ! एकनाथ खडसे यांची राजकीय पुनर्वसनाची शक्यता
‘पंकजांसाठी पक्षाने वेगळा विचार केला असेल’
आज भाजपने यादी जाहीर केल्यानंतर प्रदेशाध्यक्ष चंद्रकांत पाटील यांनी मीडियाशी संवाद साधला. यावेळी त्यांनी उमेदवारांची नावे सांगितले. त्यांना यावेळी पंकजा मुंडेंबाबत विचारण्यात आले, त्यावर ते म्हणाले की, ‘आमच्या पक्षात आम्ही कोरी पाकीटे असतो, पक्षश्रेष्ठी उमेदवारीबद्दल ठरवत असतात. उमेदवारी मिळावी, ही प्रत्येक कार्यकर्त्यांची इच्छा असते. पण, शेवटी पक्षातील नेते अंतिन निर्णय घेतात. पंकजा मुंडेंच्या उमेदवारीसाठी देवेंद्र फडणवीस आणि आम्ही सर्वांनी प्रयत्न केले. पण, कदाचित पक्षाने त्यांच्यासाठी भविष्यातला दुसरा विचार केला असेल,’ असे ते म्हणाले.
