नवी दिल्ली : अंतरराष्ट्रीय बाजारपेठ बंद असल्याने खाद्य तेलाच्या किमतीमध्ये काही प्रमाणात घट झाल्याचे पहायला मिळाले. काल शनिवारी मोहरीसोबतच सोयाबीन आणि शेंगदाना तेलाच्या किमतीत घसरण दिसून आली आहे. यामुळे ग्राहकांना काहीसा दिलासा मिळाला आहे. पुढील महिन्यात मोहरीचे नवे पीक तयार होत असल्याने मोहरीच्या तेलाचे दर काही प्रमाणात कमी होऊ शकतात, असा तज्ज्ञांचा अंदाज आहे.
अंतरराष्ट्रीय बाजापेठ बंद असल्याने शेंगदाना तेलाच्या किमतीवर त्याचा परिणाम झाल्याचे पहायला मिळाले. सोबतच राजस्थानमधून सोयाबीनची आवक वाढल्याने सोयाबीन तेलाच्या दरात देखील घट झाली. मात्र ही परिस्थिती कायम राहणार नसून, काही दिवसानंतर तेलाच्या दरामध्ये तेजी येण्याचे संकेत आहेत. परदेशी बाजारात सध्या पाम तेलाची मागणी मोठ्या प्रमाणात वाढल्याचे दिसून येत आहे. तसेच भारतात देखील सोयाबीन, सुर्यफूल आणि शेंगदान्याचे दर वाढले आहेत. त्यामुळे येणाऱ्या काळात तेलाचे दर वाढू शकतात असा अंदाज तज्ज्ञांनी व्यक्त केला आहे.
सोयाबीन तेल महागणार?
यंदा राज्यासह देशातील सोयाबीन पिकाला अतिवृष्टीचा मोठा फटका बसला आहे. सोयाबीनला अतिवृष्टीचा फटका बसल्याने उत्पन्नात मोठ्याप्रमाणात घट झाली आहे. सोयाबीनचे उत्पन्न घटल्यामुळे सोयाबीन तेलाच्या दरात वाढ होण्याचा अंदाज व्यक्त केला जात आहे. मालाची आवक घटल्याने सोयाबीनचे दर देखील वाढले आहेत. उन्हाळी सोयाबीन तयार होईपर्यंत सोयाबीनच्या दरात तेजी कायम राहू शकते.
हे सुद्धा वाचा :
लता मंगेशकर यांचं निधन … युग संपले !
बँक ऑफ महाराष्ट्र 500 जागांसाठी मोठी पदभरती, जाणून घ्या डिटेल्स
‘या’ बँका देताय बचत खात्यावर ७ टक्के व्याज, जाणून घ्या तपशील
