कोळगाव ता.भडगाव(वार्ताहर)- येथुन जवळच असलेल्या कर्मवीर तात्यासाहेब हरी रावजी पाटील किसान शिक्षण संस्था भडगाव,संचलीत गोपीचंद पुना पाटील विद्यालय व कनिष्ठ महाविद्यालयात २३ सप्टेंबर ते ३० सप्टेंबर २०२१ दरम्यान आयोजित स्व.कर्मवीर तात्यासाहेब हरी रावजी पाटील यांच्या २० व्या पुण्यस्मरण सप्ताहाची सांगता तात्यासाहेबांना वंदन व पुजन करुन करण्यात आले.
कार्यक्रमाची सुरुवात देवी सरस्वती,स्व.तात्यासाहेब,स्व.कमल आजी,स्व.युवराज दादा,स्व.अशोक आण्णा,स्व.साधनाताई आदिंच्या प्रतिमेस पुष्पहार तसेच श्रीफळ वाढऊन पुजन करण्यात आले.
आठवडाभर विविध स्पर्धा जसे की,रंगभरण,चित्रकला,रांगोळी,वक्तृत्व,वदविवाद,चालता-बोलता,कथाकथन,गीतगायन आदि सर्वच स्पर्धा यशस्वी होण्यासाठी गो.पु.पाटील,विद्यालय व कनिष्ठ महाविद्यालयाचे प्राचार्य सुनिल पाटील यांच्या मार्गदर्शनाखाली शिक्षक-शिक्षिका,प्राध्यापक-प्राध्यापिका,शिक्षकेतर कर्मचाऱ्यांनी मेहनत घेतली.
