जळगाव,(प्रतिनिधी)- शूटिंग चॅम्पियनशिप स्पर्धेत जळगावच्या निखिल सपकाळे याने उत्कृष्ट कामगिरी करत ‘सुवर्णपदक’ मिळविले आहे. दरम्यान या स्पर्धेत यश मिळाल्यामुळे निखिलचे सर्वत्र कौतुक करण्यात येतं आहे.
दि 25 मे ते 28 मे 2023 दरम्यान श्री भीष्मराज बाम मेमोरियल शूटिंग रेंज,सातपूर,नाशिक येथे झालेल्या 4thएक्सेल कप ओपन शूटिंग चॅम्पियनशिप स्पर्धेमध्ये एकलव्य शूटिंग अकॅडमीच्या खेळाडू निखिल धुडकू सपकाळे याने 17 वर्ष वयोगटातील पीप साईट एअर रायफल या क्रीडा प्रकारांमध्ये 400 पैकी 392 सर्वाधिक गुण प्राप्त करत सुवर्णपदक प्राप्त केले.
निखिल हा पीप साईट एअर रायफल या क्रीडा प्रकारा मध्ये प्रथमच सहभागी झाला होता. व त्याने अत्यंत उत्कृष्ट अशी कामगिरी करत सुवर्ण यश प्राप्त केले निखिलला एकलव्य शूटिंग अकॅडमीचे मुख्य प्रशिक्षक सागर सोनवणे यांचे मार्गदर्शन लाभले आहे.
निखिल हा कामगार नेते धुडकू सपकाळे यांचा चिरंजीव आहे निखिलच्या या यशाबद्दल एकलव्य क्रीडा संकुलाचे प्रशासकीय अधिकारी डॉ श्रीकृष्ण बेलूरकर तसेच त्याच्या शाळेचे शिक्षक वृंद या सर्वांतर्फे निखिलचे कौतुक करण्यात आले. तसेच पुढील वाटचालीसाठी शुभेच्छा देण्यात येतं आहे.
