जळगाव । जळगाव शहरातील गणेश नगरातील रहिवासी आणि वैद्यकीय शिक्षण घेणाऱ्या तरुणाने केईएम हॉस्पिटल येथे विषारी इंजेक्शन घेऊन ऑनड्युटी आत्महत्या केल्याची धक्कादायक घटना समोर आलीय. डॉ. आदिनाथ संजय पाटील (२७, रा. जळगाव, गणेश नगर) असे मयत झालेल्या तरुण डॉक्टरचे नाव आहे. आत्महत्येचे कारण स्पष्ट झालेले नाही. आर. ए. किडवई पोलिसांनी अकाली मृत्यूची नोंद केली.
मिळालेल्या माहितीनुसार, डॉ. आदिनाथ मेडिसिन विभागाच्या पहिल्या वर्षात पदव्युत्तर शिक्षण घेत होता. आदिनाथ जळगावचा असून त्याचे वडिल डॉक्टर संजय पाटील आणि डॉक्टर स्मिता पाटील राहणार आकाशवाणी परिसर जळगाव यांचा तो मुलगा आहे.
हे देखील वाचाच..
धावत्या बाईकवर दोन मुली लिप लॉक करताना दिसल्या, VIDEO पाहून लोकांचे उडाले होश
खुशखबर! एलपीजी सिलेंडर झाला स्वस्त, इतक्या रुपयांनी घटली किंमत, जाणून घ्या..
भीषण ! गर्डर मशिन कोसळून 17 कामगार ठार, समृद्धी महामार्गावरील घटना
दरम्यान, आदिनाथ हा ३० जुलै रोजी रात्री तो ऑनड्युटी होता. रात्री एका रुग्णाच्या इकोसाठी तो केईएममध्ये आला होता. रात्री त्याने रजिस्टार सोबत जेवण देखील केले. मात्र, पुन्हा परतल्यानंतर रात्री शिवडी टीबी रुग्णालयात इंजेक्शन घेवून आत्महत्या केल्याचे सांगण्यात येत आहे. सकाळी ८ वाजता नेहमीप्रमाणे ओपीडीला न आल्याने त्याच्यासोबतच्या डॉक्टरांनी खोलीचा दरवाजा ठोठावला. त्याने, दरवाजा उघडला नाही म्हणून परिचारिकेने मागच्या बाजूने दरवाजा उघडला. तेव्हा तो मृतावस्थेत आढळला. अत्यंत हुशार आणि हसमुख विद्यार्थी अशी आदिनाथची ओळख होती. नीट परिक्षेतदेखील त्यांनी जिल्ह्यात स्थान मिळविले. त्याचा भाऊदेखील केईएममध्ये शिकत असल्याची माहिती मिळाली.
