वरणगावं(प्रतिनिधी):- वरणगावं जवळच असलेल्या बोहर्डी बुद्रुक येथील ३६ वर्षीय निलेश भिमसिंग पाटील या शेतकऱ्याने विषारी द्रव्य प्राशन करून आत्महत्या केल्याची घटना मंगळवारी रात्री साडेदहा वाजेच्या सुमारास घडली याबाबत अधिक माहिती अशी की बोहर्डी बुद्रुक येथील निलेश भिमसिंग पाटील या शेतकऱ्यावर गेल्या दोन-तीन वर्षापासून सोसायटी व बँकांकडून तसेच हात उसनवारी यातून कर्ज झाले होते , अनेक दिवसापासून कर्जबाजारीपणामुळे तो परेशान झालेला होता अखेर पाच मे रोजी रात्री साडेदहा वाजेच्या सुमारास नागराणी पेट्रोल पंपाजवळ असलेल्या बंद पडलेल्या ढाब्याजवळ त्याने विषारी द्रव्य प्राशन केले. त्याच्या तोंडातून फेस आलेला बघितल्यानंतर बाजूच्या लोकांनी त्यांच्या घरी कळवले असता त्यांनी वरणगाव येथे ग्रामीण रुग्णालयात नेले असता वैद्यकीय अधिकाऱ्यांनी त्याला मृत घोषित केले निलेश च्या पश्चात आई वडील ,भाऊ ,पत्नी, दोन मुली ,असा परिवार आहे निलेश हा सुस्वभावी व्यक्तिमत्वाचा होता व त्यांची पत्नी सरपंच आहेत या घटनेने बोहर्डी परिसरावर शोककळा पसरली आहे मयताचे शव विच्छेदन वरणगाव ग्रामीण रुग्णालयात केल्यानंतर बोर्डी येथे त्याच्यावर शोकाकुल वातावरणात अंत्यसंस्कार करण्यात आले , या घटनेची वरणगांव पोलीस स्टेशनला जिवन पाटील यांनी दिलेल्या फिर्यादीवरून नोंद करण्यात आली आहे .
