अहमदनगर – नगर-दौंड महामार्गावरील बाबुर्डी बेंद परिसराजवळ ट्रक आणि कारचा भीषण अपघात झाला. या अपघातात कारमधील चौघांचा जागीच मृत्यू झाला. हे चौघे श्रीगोंदयाहून नगरकडे येत होते. दरम्यान गुरुवारी पहाटे अडीच वाजेच्या सुमारास ही घटना घडली. .
नगर दौंड महामार्गावरील बाबुर्डी बेंद परिसरातील महादेव वस्ती जवळ ट्रक (एमपी 09 एचएच 8378) व कार (एम एच 04 बिवाय 4857) धडकल्याने हा अपघात झाला. या अपघातात कारच्या समोरील भागाचा चुराडा झाला आहे. श्रीगोंद्याहून नगरकडे येत असताना हा अपघात झाला. अपघाताची माहिती मिळताच पोलीसांनी आणि स्थानिकांनी घटनास्थळी धाव घेत अपघातग्रस्तांना रुग्णालयात हलविण्यात मदत केली.
