धरणगाव (प्रतिनिधी): माध्यमिक विद्यालय, दोनगाव ता. धरणगाव येथे भारतरत्न डॉ. बाबासाहेब आंबेडकर यांची जयंती अत्यंत उत्साहात साजरी करण्यात आली. महामानवाच्या विचारांना अभिवादन करण्यासाठी आयोजित या कार्यक्रमात विद्यालयातील सर्व शिक्षक, शिक्षकेतर कर्मचारी आणि ग्रामस्थ मोठ्या संख्येने सहभागी झाले होते.
कार्यक्रमाच्या प्रारंभी डॉ. बाबासाहेब आंबेडकर यांच्या प्रतिमेचे पूजन करण्यात आले. हे पूजन विद्यालयाचे मुख्याध्यापक पी. ए. पाटील यांच्या हस्ते संपन्न झाले. यावेळी शिक्षक प्रतिनिधी व्ही. बी. पाटील सर, ज्येष्ठ शिक्षक एस. एफ. मोरे, पि. जे. जाधव, एन. एस. लिंडाईत, विक्रांत पाटील, व्ही. के. पानपाटील तसेच ज्येष्ठ शिक्षिका सपना निकम मॅडम उपस्थित होत्या. तसेच शिक्षकेतर कर्मचारी भाऊसाहेब साहेबराव पाटील, जयदेव पाटील, पि. व्ही. पाटील यांनीही कार्यक्रमात सहभाग नोंदविला.
कार्यक्रमाचे सूत्रसंचालन ज्येष्ठ शिक्षक अनिल अहिरे सर यांनी केले. यावेळी मान्यवरांनी आपल्या मनोगतातून बाबासाहेबांच्या महान कार्याचा व भारतीय संविधानाच्या महत्त्वाचा गौरव केला.
यावेळी गावातील नागरिकांनीही मोठ्या संख्येने उपस्थिती लावून कार्यक्रमाला उत्स्फूर्त प्रतिसाद दिला. सर्वांनी मिळून बाबासाहेबांच्या जयघोषात त्यांना विनम्र अभिवादन केले. शाळा आणि ग्रामस्थ यांच्या संयुक्त उत्साहात हा जयंती सोहळा यशस्वीरीत्या पार पडला.
