मुंबई,(प्रतिनिधी)- महिलांवर अत्याचाराच्या घटना मोठ्या प्रमाणावर घडत असताना मुंबईतील गिरगाव चौपाटी येथे मॉर्निंग वॉकला निघालेल्या महिलेचा तरुणाने पाठलाग केला, व नंतर महिलेसमोर घाणेरडं कृत्य केलं दरम्यान या घटनेने महिलेचा लैंगिक छळ केल्याप्रकरणी एका जणाला पोलिसांनी अटक केली आहे.या घटनेमुळे नागरिकांमध्ये संतापाची लाट उसळली आहे.
पोलिसांनी दिलेल्या माहितीनुसार, पीडित महिला मुंबईतील ग्रँट रोड येथे वास्तव्यास असून ती दररोज सकाळी ७ वाजताच्या सुमारास गिरगाव चौपाटी येथे मॉर्निंक वॉकला जात. दरम्यान, ३ सप्टेंबर रोजी पीडित महिला नेहमीच्या मॉर्निंग वॉकसाठी गेली असताना तरुणाने तिच्या पाठलाग सुरू केला. सुरुवातीला महिलेने त्याच्याकडे दुर्लक्ष केले. महिला स्ट्रेचिंग एक्सरसाइज असताना संबंधित तरुण तिच्याकडे घाणेरड्या नजरने पाहू लागला. यामुळे महिला तिथून दुसरीकडे गेली. त्यानंतर थोड्यावेळाने त्याने पुन्हा महिलेसमोर येऊन आपली पँट काढली आणि हस्तमैथुन करण्यास सुरुवात केली.
या घटनेनंतर महिलेने अलार्म वाजवला. त्यानंतर समुद्रकिनाऱ्यावरील जॉगर्स तिच्या मदतीसाठी धावले आणि संबंधित तरुणाला पकडून डीबी पोलिसांच्या ताब्यात दिले. आरोपीविरुद्ध भारतीय न्याय संहिता कलम ७५ (लैंगिक छळ) अंतर्गत गुन्हा दाखल केला. आरोपीला महानगर न्यायालयात हजर केले असता न्यायालयीन कोठडी सुनावण्यात आली. आरोपी हा गिरगाव परिसरातील एका चहाच्या स्टॉलवर काम करतो, अशी माहिती पोलिसांनी दिली.
