मुंबई,(प्रतिनिधी)- अभिनेत्री मलायका अरोरावर दुःखाचा डोंगर कोसळला आहे. तिचे वडील अनिल अरोरा यांनी आत्महत्या केली आहे. अनिल अरोरा यांनी बुधवारी म्हणजेच आज सकाळी इमारतीच्या बाल्कनीतून उडी मारून जीवन संपवलं.या घटनेने सध्या सगळीकडे खळबळ उडाली असून अरोरा कुटुंबाला तर मोठा धक्काच बसला आहे.
मलायकाच्या या कठीण काळात साथ देण्यासाठी खान कुटुंबीय देखील मलायकाच्या वडिलांच्या घरी खान कुटुंबीय आलेले दिसले. मलायकाचा एक्स नवरा अरबाज खान सुद्धा यावेळी हजर दिसला.
सलमान खान आणि त्याचे वडील सलीम खान, आई सलमा खान, सोहेल खान देखील मलायकाच्या वडिलांना श्रद्धांजली द्यायला पोहोचले. यावेळी अर्जुन कपूरही होता. त्याने खान फॅमिलीला पाहुन हात जोडले. यांचा व्हिडिओ देखील समोर आला आहे.अनिल अरोरा यांनी आत्महत्या का केली याचे कारण अद्याप समोर आलेले नाही.
घटनास्थळी पोलिसांचा बंदोबस्त असून याविषयी अधिक तपास सुरू आहे. घटनास्थळी फॉरेन्सिक टीम देखील उपस्थित आहे.
