Spread the love

प्रेम आंधळं असतं असं म्हटलं जातं… पण प्रेमात मर्यादेपेक्षा आंधळं होऊन प्रेमात आडवा येणाऱ्या जन्मदात्या बाबापालाचं ‘यमसदनी‘ पाठवलं, बापाचा व सख्ख्या ८ वर्षीय लहान भावाचा खून करून मृतदेह ‘फ्रिज’ मध्ये लपवत दुसऱ्या दिवशी बॉयफ्रेंडसोबत फरार झाल्याची धक्कादायक घटना उघडकीस आली. पोटची मुलगी आणि तिच्या बॉयफ्रेंडची क्रूरतेने मध्य प्रदेशमधील जबलपूर शहरात खळबळ उडाली. या घटनेत मृत झालेला बाप अधिकारी असल्याचं समोर आलं आहे. या अधिकाऱ्याचा खून त्याच्याच अल्पवयीन मुलीने आपल्या बॉयफ्रेंडबरोबर मिळून केला असून दोघे आरोपी गेल्या ७५ दिवसापासून फरार होते त्यांना पकडण्यात पोलिसांना अखेर यश मिळालं आहे.

भुसावळ हादरलं ; दोघांचा गोळ्या झाडून खून !

वेब सीरिज पाहून गर्लफ्रेंडच्या वडिलांच्या खुनाचा प्लॅन रचला

मुलगी अल्पवयीन असल्याने तीच्या वडिलांनी तीच्या बॉयफ्रेंड विरुद्ध पोलिसात मुलीचा विनय भंग केल्याची तक्रार केली होती. त्यानंतर त्या मुलाला तुरुंगाची हवा खावी लागली होती त्याचा राग मुलीच्या बॉयफ्रेंडच्या मनात असल्याने आणि मुलीच्या प्रेमात बाप येत असल्यानेचं चित्रपट आणि वेब सीरिज पाहून गर्लफ्रेंडच्या वडिलांच्या खुनाचा प्लॅन रचल्याचं म्हटलं जात आहे. त्याने इन्स्टाग्रामवर किलरचा डीपी लावला होता.दरम्यान यावेळी फक्त वडिलांचाच नाही तर स्वतःच्या ८ वर्षीय भावाचा खून करण्यातही या मुलीने बॉयफ्रेंडची मदत केली. गेल्या ७५ दिवसांपासून जबलपूर पोलीसांना चकवा देत दोघे आरोपी फरार होते, खुनाची घटना घडल्यापासून या धक्कादायक प्रकरणातील आरोपीचा शोध घेण्याचा प्रयत्न पोलीस करत होते.

अखेर घटनेच्या ७५ दिवसांनंतर पोलिसांना या आरोपीना पकडण्यात मोठे यश आले आहे. उत्तराखंडमधील हरिद्वार पोलिसांनी हत्येमध्ये सहभागी असलेल्या मृताच्या अल्पवयीन मुलीला अटक केली आहे. तिला एका मंदिराबाहेरून अटक करण्यात आली. जबलपूर पोलिसांचे एक पथक अल्पवयीन मुलीला घेण्यासाठी उत्तराखंडमधील हरिद्वारला रवाना झाले आहे. पोलीस आरोपी तरुणीला जबलपूरला आणून तिची चौकशी करणार आहेत.

खून करून पुरावे नष्ट करून आरोपी मृताच्या मुलीला घेऊन पळून गेला. त्याने ७५ दिवसांत आठ राज्यांत प्रवास केला आहे. पोलीस त्याच्या प्रत्येक लोकेशननुसार तपास करत होते आरोपी गर्लफ्रेंडबरोबर पुण्यातही आला होता आणि त्याने तिथल्या एटीएममधून पैसेही काढले होते.

मध्य प्रदेशमधील जबलपूरमध्ये १४-१५ मार्चच्या रात्री सिव्हिल लाइन्स स्टेशन परिसरातील रेल्वे मिलेनियम कॉलनीत राहणारे राजकुमार विश्वकर्मा व त्यांचा आठ वर्षांचा मुलगा तनिष्कचा निर्घृण खून झाला होता.राजकुमार रेल्वेत सुप्रिटेंडंट पदावर होते. हा खून त्यांची अल्पवयीन मुलगी व तिचा बॉयफ्रेंड मुकुल सिंह यांनी केला. पोस्टमॉर्टेम करणारे डॉ. हर्ष लोधी यांच्यामते राजकुमार यांच्या डोक्यावर धारदार शस्त्राने १० वेळा, तर तनिष्कच्या डोक्यावर चार वेळा हल्ला केला होता.

दोघांची हत्या केल्यावर मुकुल गर्लफ्रेंडच्या मदतीने मृतदेह पॉलिथीनमध्ये गुंडाळतो. मग राजकुमार यांचा मृतदेह किचनमध्ये तर तनिष्कचा मृतदेह फ्रीजमध्ये ठेवतात. मग दोघेही मिळून हत्येचे पुरावे नष्ट करतात. घरात फिंगरप्रिंट सापडू नये, यासाठी आरोपींनी हातमोजे वापरले होते.