केरळमध्ये निपाह व्हायरसने डोकेदुखी निर्माण केली असून आता एका आरोग्य कर्मचाऱ्याला निपाह संसर्ग झाल्याचे निष्पन्न झाले आहे यामुळे केरळात निपाह विषाणूबाधित रुग्णांची संख्या पाच झाली असून यात दोघांचा मृत्यू झाला आहे. दरम्यान, निपाहचा संसर्ग वाढत असल्याने केरळच्या कोझिकोड जिल्ह्यांत शैक्षणिक संस्था, आज बंद ठेवण्यात आल्या होत्या.केरळ सरकारने केरळातील सात गावातील शाळा आणि बँका बंद करण्याचे आदेश जारी करण्यात आले आहे. केरळातील अनेक जिल्ह्यात लॉकडाऊन सारखी परिस्थिती निर्माण झालेली आहे.
राज्यात ७०० संशयित रुग्ण ; टेन्शन वाढलं
केरळमध्ये निपाह व्हायरसने धुमाकूळ घातला असून राज्यात तब्बल ७०० संशयित रुग्ण असल्याने आरोग्य प्रशासन टेन्शन मध्ये आले आहे. काही दिवसांपूर्वी केरळच्या कोझिकोट येथील एका खासगी रुग्णालयात निपाह व्हायरसने दोन लोकांचा मृत्यू झाला होता. त्यानंतर या व्हायरसचा प्रभाव वाढतच जात आहे.
कंटेन्मेंट झोन केले तयार…
निपाह व्हायरस मुळे आतापर्यंत दोन लोकांचा मृत्यू झाला आहे यानंतर प्रशासनाने कन्नूर, वायनाड आणि मलप्पुरम या तीन जिल्ह्यात अलर्ट जारी करण्यात आला आहे. तर सात ग्रामपंचायतीत कंटेन्मेंट झोन बनवण्यात आले आहेत. ज्या ठिकाणी कंटेन्मेंट झोन निर्माण करण्यात आले आहे, तिथे मास्क घालणं बंधनकारक करण्यात आलं आहे.
सरकारी ऑफिस,शाळा, बँका बंद
कोझिकोडच्या जिल्हाधिकाऱ्यांनी मीडियाशी संवाद साधला. सात पंचायत समित्यातील सर्व शाळा, शैक्षणिक संस्था, आंगणवाडी केंद्र, बँका आणि सरकारी संस्था बंद ठेवण्याचे आदेश देण्यात आले आहेत. सकाळी 7 ते संध्याकाळी 5 वाजेपर्यंत फक्त औषधांची आणि अति महत्त्वाच्या वस्तुंची दुकाने उघडण्याची परवानगी देण्यात आली आहे.
केरळमध्ये 30 ऑगस्यट रोजी निपाहमुळे पहिला मृत्यू झाला. तर दुसरा मृत्यू 11 सप्टेंबर रोजी झाला. दोन्ही मृत व्यक्तींचे सँपल पुण्यातील नॅशनल इन्स्टिट्यूट ऑफ वायरोलॉजीमध्ये पाठवले आहेत. निपाहचे आणखी दोन रुग्ण सापडले आहे. त्यात नऊ वर्षाच्या एका मुलाचा आणि एका 24 वर्षाच्या तरुणाचा समावेश आहे. त्या दोघांवरही उपचार सुरू आहेत.
