मुक्ताईनगर | मुक्ताईनगरामधून एक धक्कादायक बातमी आहे. शहराजवळच्या संत मुक्ताई मंदिराच्या मागील बाजूस तरूणाचा मृतदेह छिन्नविच्छीन्न अवस्थेत आढळल्याने खळबळ उडाली आहे.
दरम्यान, पोलिसांना याची माहिती मिळताच सहायक पोलीस निरिक्षक संदीप दुनगहू यांनी आपल्या सहकार्‍यांसह घटनास्थळी धाव घेतली. त्यांनी मृतदेहाचा पंचनामा करून उत्तरीय तपासणीसाठी पाठवून दिला आहे. या तरूणाची ओळख पटविण्याचे काम देखील सुरू करण्यात आले आहे. तर या संदर्भात मुक्ताईनगर पोलीस स्थानकात नोंद घेण्याचे काम सुरू होते. या घटनेमुळे परिसरात एकच खळबळ उडाली आहे.
