मुंबई – राज्याच्या विधानसभेच्या हंगामी अध्यक्षपदी भाजपचे आमदार कालिदास कोळंबकर यांची नियुक्ती करण्यात आली असून त्यांनी राजभवनात जाऊन पद आणि गोपनीयतेची शपथ घेतली.
विधानसभेच्या हंगामी अध्यक्षपदासाठी विधानसभा सचिवांकडे काँग्रेसचे आमदार बाळासाहेब थोरात, के. सी. पाडवी आणि भाजपचे आमदार कालिदास कोळंबकर या विधानसभेच्या तीन ज्येष्ठ सदस्यांची नावं आली होती. त्यापैकी ज्येष्ठ सदस्य म्हणून कालिदास कोळंबकर यांची विधानसभेच्या हंगामी अध्यक्षपदी नियुक्ती करण्यात आली आहे. त्यानंतर आज सायंकाळी कोळंबकर राजभवनात पोहोचले. तिथे त्यांना राज्यपालांनी पद आणि गोपनीयतेची शपथ दिली. उद्या विधानसभा सत्र सुरू झाल्यावर सर्व पक्षीय नवनिर्वाचित आमदारांना गोपनीयतेची शपथ देण्यात येणार असल्याचं कोळंबकर यांनी सांगितलं.
