नवी दिल्ली : गेल्या अनेक महिन्यापासून देशभरात पेट्रोल आणि डिझेलच्या दरात कोणताही बदल झालेला नाही. पण जनतेला मोठा दिलासाही दिला नाही. त्यातच आता लोकसभेच्या निवडणुका एका वर्षांनी होणार आहेत. त्याची रंगीत तालीम मात्र सुरु झाली आहे. याचदरम्यान, केंद्रीय अर्थमंत्री निर्मला सीतारामन यांनी एक आनंदाची बातमी दिली आहे.
अर्थमंत्री निर्मला सीतरमण यांनी राज्यांनी सहमती दर्शवली तर पेट्रोल-डिझेल जीएसटीच्या (GST) कक्षेत आणण्याची री यापूर्वी ओढली होती. आता त्यांचा सूर नरमला आहे. त्यांनी पेट्रोल-डिझेलवरील करांचा अधिभार कमी होण्याचे संकेत दिले आहेत. अर्थात अजून याविषयीची अधिकृत घोषणा मात्र झालेली नाही. पेट्रोल-डिझेलच्या किंमती स्वस्त झाल्यातर जनतेला हा मोठा दिलासा असेल. या निर्णयामुळे महागाई आटोक्यात आणण्याच्या रिझर्व्ह बँक ऑफ इंडियाच्या प्रयत्नांना बळकटी मिळेल.
हे पण वाचा..
जळगाव महापालिकेमार्फत या पदासाठी निघाली भरती ; ‘एवढा’ पगार मिळेल..
महाराष्ट्रातील सत्तासंघर्षावर आज ‘सुप्रीम’ निर्णय येणार ; कोर्टाच्या निर्णयाकडे सर्वांचं लक्ष
खुशखबर..! राज्यात शिक्षकांची ३० हजार पदे लवकर भरली जाणार, मुख्यमंत्र्यांचे आश्वासन
गेल्या 10 महिन्यांपासून सर्वसामान्यांना इंधनाच्या दरात कोणताही बदल झालेला दिसत नाही. मात्र आता अर्थमंत्र्यांनी पेट्रोल-डिझेलवरील करांचा अधिभार कमी होण्याचे संकेत दिले आहेत. त्यामुळे पेट्रोल 18 रुपयांनी तर डिझेल 11 रुपयांनी कमी होऊ शकते.
