चाळीसगाव । चाळीसगावच्या तरुणीवर झालेल्या अत्याचाराची एक धक्कादायक घटना समोर आलीय. तरुणीसोबत असलेल्या प्रेम संबंधातून तिच्यासोबत काढलेले फोटो व्हायरल करण्याची धमकी देत आणि चाकूचा धाक दाखवत तरुणीला औरंगाबाद येथे नेले. त्यानंतर तरुणाने तरुणीवर सलग दोन दिवस बळजबरीने अत्याचार केला. याप्रकरणी तीन जणांवर मेहूणबारे पोलीस स्टेशनमध्ये गुन्हा दाखल झाला आहे..
याबाबत अधिक असे की, औरंगाबाद जिल्ह्यातील फुलंब्री तालुक्यातील निधोरा येथील किरण भाऊसाहेब कोलते याचे चाळीसगाव तालुक्यातील एका गावात राहणाऱ्या २१ वर्षे तरुणी सोबत प्रेम संबंध होते. १३ जानेवारी रोजी पहाटे साडेतीन वाजेच्या सुमारास किरण हा त्याच्या तीन मित्रांसोबत तरुणी राहत असलेल्या परिसरात आला. यादरम्यान किरण याने तरुणीला बोलावून तिच्यासोबत काढलेले फोटो व्हायरल करण्याची धमकी दिली. तसेच चाकूचा धाक दाखवत, तरुणीला मित्रांच्या मदतीने बळजबरीने कारने औरंगाबाद येथे नेले.
हे पण वाचा..
10वी पाससाठी गुडन्यूज ! भारतीय डाक विभागात तब्बल 40889 पदांसाठी भरती, आताच अर्ज करा
मोठी बातमी! शिंदे गटाच्या आमदारावर गुन्हा दाखल, नेमकं काय आहे प्रकरण?
अरे देवा! गच्चीवर चादरीच्या आता प्रेमी युगुलाची रासलीला सुरु होती, तितक्यात आई आली अन्.. पहा VIDEO
या ठिकाणी किरण याने त्याच्या घरी सलग दोन दिवस तरुणीवर बळजबरीने अत्याचार केले. त्यानंतर तरुणीला एकटीला औरंगाबाद शहरातील सिडको येथील बस स्टँडवर सोडून किरण निघून गेला. भेदरलेल्या अवस्थेत तरुणी तिच्या गावी पोहचली व त्यानंतर तिने या प्रकरणी पोलीस स्टेशनमध्ये तक्रार दिली. या तक्रारीवरून किरण कोलते याच्यासह त्याच्या तीन मित्रांविरुद्ध मेहूणबारे पोलीस स्टेशनला गुन्हा दाखल करण्यात आला आहे. पुढील तपास पोलीस उपनिरीक्षक प्रकाश चव्हाण हे करत आहेत.
