मुंबई : श्रध्दा वालकर हत्याकांडांने संपूर्ण देशात खळबळ माजली असतानाच टिटवाळा भागात अशीच भीषण हत्येची घटना उघडकीस आली आहे. प्रेमसंबंधातून लग्नासाठी तगादा लावल्यानं प्रियकरानं आपल्या एका मित्रासोबत विवाहित महिलेची 35 वार करत तिची हत्या केल्याची धक्कादायक घटना उघडकीस आली आहे. या घटनेने खळबळ माजली आहे.
रुपांजली जाधव असे मयत महिलेचेनाव असून ती पुणे येथे राहत होती. टिटवाळ्यात तिचा मृतदेह आढळून आल्यानंतर आधार कार्डच्या सहाय्यानं तिची पोलिसांनी ओळख पटवली. त्यानंतर तिची हत्या करणारा प्रियकर जयराज चौरेसह त्याचा मित्र सूरज घाटे या दोघांनाही पोलिसांनी अटक केली आहे.
टिटवाळ्यातील गोवेली परिसरात 12 डिसेंबरला एका महिलेचा मृतदेह आढळून आला होता. या महिलेवर धारदार शस्त्रानं तब्बल 35 वार करण्यात आले होते. याप्रकरणी टिटवाळा पोलिसांनी गुन्हा दाखल करत तपास सुरू केला होता.
हे पण वाचाच..
आर्चीनं शेअर केला ‘बेशरम रंग’ गाण्यावरील Video
शेतकऱ्यांनो काळजी घ्या..! पुढील दोन दिवस राज्यातील ‘या’ भागात पावसाची शक्यता
धावत्या रेल्वेत चढण्याच्या नादात महिलेचा तोल गेला अन्… पहा अंगावर काटा आणणारा हा Video
राज्य कर्मचाऱ्यांसाठी आली गूडण्युज ; या महिन्यापासून मिळणार महागाई भत्ता वाढीचा लाभ?
टिटवाळा पोलीस स्टेशनचे वरिष्ठ पोलीस निरीक्षक जितेंद्र ठाकूर यांच्या मार्गदर्शनाखाली पोलीस अधिकारी संदीप शिंगटे यांच्या पथकानं तपास सुरू केला. तपासादरम्यान महिलेजवळ तिचं आधार कार्ड सापडले होतं. या आधार कार्डच्या आधारे या मयत महिलेची ओळख पटली. या मयत महिलेच्या नातेवाईकांना संपर्क साधला. रुपांजली जाधव असं महिलेचं नाव असून ते पुण्याला राहत असल्याची माहिती पोलिसांना मिळाली.
