जळगाव – अनुभूती निवासी शाळेत कार्यरत कला शिक्षक सचिन व्ही. राऊत यांचे जळगावातील पु. ना. गाडगीळ येथील आर्ट गॅलरीत निवडक चित्र प्रदर्शनाचे उद्घाटन करण्यात आले. यामध्ये सचिन राऊत यांनी 30 पेक्षा अधिक उत्तम चित्रे साकारली असून कॅनव्हास अॅक्रलिक व वॉटर कलर चित्र प्रदर्शनात लावण्यात आले आहेत. यामध्ये पंचमहाभुते, निसर्ग, लोटस, कासव यांसारख्या असंख्य विषयावर चित्रे आहेत. अनुभूति इंटरनॅशनल रेसिडेंशियल स्कूलचे प्राचार्य जे. पी. राव यांच्या उपस्थितीत नुकतेच उद्घाटन करण्यात आले. यावेळी विकास मल्हारा, विजय जैन, आनंद पाटील, संजय दाभाडे, सचिन राऊत यांचे वडील-विठ्ठलराव राऊत, इंदूबाई राऊत, बी. डी. बापू तसेच पु. ना. गाडगीळचे व्यवस्थापक संदीप पोतदार उपस्थित होते. सदरील प्रदर्शन 30 नोव्हेंबर 2019 पर्यंत सर्वांसाठी विनामूल्य खुले राहिल.
