आज आपण बऱ्याच लहान मुलांना मोठ्या प्रमाणात मोबाईलचे व्यसन लागले असल्याचे पाहायला मिळत आहे, स्मार्ट फोनमुळे मुले ही गेम, युट्युब, सोशल मीडिया वरील रिल पाहण्यात व्यस्त असतांना पाहायला मिळत आहे. लहान मुलं साधं रडायला लागलं तरि पालक त्यांच्या हाती मोबाईल देत त्यांचे मोबाईल कडे लक्ष वेधून एकप्रकारचे मोबाईल व्यसन लावतानाचे धक्कादायक चित्र पाहायला मिळत आहे.यामुळे पालकांनी मुलांवर लक्ष ठेवणे गरजेचे आहे.
मोबाईल च्या आहारी जाणं एखाद्या मुलाच्या जीवाशी येऊ शकतं असं वाटतही नसेल पण एक खळबळ जनक घटना समोर आली आहे.पुणे जिल्ह्यातील बारामती तालुक्यातील कऱ्हावागज येथे एक धक्कादायक घटना उघडकीस आली आहे.’गेम’ आईने मोबाइल दिला नाही म्हणून १४ वर्षांच्या मुलाने आत्महत्या केली आहे. गुरुवारी रात्री घरातच पत्र्याच्या शेडला त्याने साडीच्या साह्याने गळफास घेऊन आत्महत्या केली. या घटनेमुळे सर्वत्र खळबळ उडाली आहे.
शुभम मोतीराम धोत्रे (वय १४) असे आत्महत्या केलेल्या मुलाचे नाव आहे. शुभम हासोमेश्वर विद्यालय अंजनगाव येथे इयत्ता ९ वी मध्ये शिक्षत होता.त्याच्या आत्महतेप्रकरणी राजेंद्र अशोक लष्कर (वय २७), रा. क-हावागज, लष्करवस्ती (ता. बारामती, जि. पुणे) यांनी माळेगाव पोलीस ठाण्यात तक्रार दिली आहे.
प्राप्त महितीनुसार शुभमला मोबाईलचे वेड होते. मोबाइलसाठी तो आईनेकडे नेहमी हट्ट धरायचा. त्याला नवीन मोबाइल द्यावा यासाठी तो आईला नेमही मागणी करत होता. मात्र, घरची परिस्थितीती बेताची असल्याने आई त्याला मोबाइल घेऊं देऊ शकत नव्हती. यातून शुभमला नैराश्य आल्याने त्याने गुरुवारी रात्री, गळफास घेऊन आत्महत्या केली.
