- जळगावचा कायापालट करणार – अभिषेक पाटील
- स्मार्ट सिटी करण्याची ग्वाही, शह प्रचारदौऱ्याला उत्स्फूर्त प्रतिसाद
जळगाव (प्रतिनिधी)शेतकरी, कष्टकरी, बेरोजगार तरुणांचे प्रश्न मार्गी लावून आधुनिक भारताला शोभेल असे जळगाव शहरासाठी प्रामाणिक काम करून जळगाव नगरीचा कायापालट करून शहराला स्मार्ट सिटी करणार असे वचन जळगाव शहर मतदार संघातील राष्ट्रवादी, काँग्रेस आघाडी व मित्र पक्षाचे उमेदवार अभिषेक पाटील यांनी काल शहर प्रचार दौऱ्या निमित्त मतदारांना दिले. या प्रचार दौऱ्याला शहरातून उत्स्फूर्त प्रतिसाद मिळाला.
शहरातील हरीविठ्ठल नगर, राजीव नगर, आशाबाबा नगर, श्रीधर नगर, अर्जुन नगर, राजीव गांधी नगर, बकरे मळा, चंद्रप्रभा कॉलनी, आनंद नगर, गणेश कॉलनी, विधी महाविद्यालय परिसर, बुक बँड कॉलनी, यशवंत नगर, प्रोफेसर नगर, आर. एम. एस. कॉलनी, शामराव नगर
आदी ठिकाणी त्यांनी नागरिकांशी संवाद साधला.
पुढे अभिषेक पाटील म्हणाले की, शहरात विविध उद्योगधंदे उभारून तरुणांना रोजगार, शेतकरी राजाच्या पिकाला योग्य भाव, सामान्य जनतेच्या वाट्याला शासकीय सर्व योजना प्रामाणिकपणे काम करण्याचे मी वचन देतो. जळगाव शहराच्या सर्वानींग विकासासाठी मतदान रुपी आशीर्वाद द्या. असे आवाहन त्यांनी यावेळी मतदारांना केले.
