मुंबई : लोकल ट्रेनच्या मोटार कोचच्या डब्याला लटकून प्रवास करणे एका तरुणाला चांगलेच महागात पडले आहे. तरुणाचा हात सटकला आणि तरुण खाली पडला आणि त्यात जखमी झाला आहे. दानिश जकिर हुसैन खान (18) असे जखमी तरुणाचे नाव असून ही घटना ठाणे आणि कळवा रेल्वे स्थानका दरम्यान घडली. या घटनेचा थरारक व्हिडीओ मोबाईल कॅमेरामध्ये कैद झाला असून मोठ्या प्रमाणात व्हायरल होत आहे.
काय आहे प्रकार?
दानिश खान हा तरुण पीओपी सारखे मजुरीचे काम करत असून कळवा येथून दादर असा प्रवास करत होता. या दरम्यान त्याचा आत्तेभाऊ आणि आणखी काही नातेवाईक त्याच्यासोबत या डब्ब्याला लटकले होते. याच दरम्यान त्यातील एका तरुणाचा हात निसटला आणि तरुण दोन रेल्वे ट्रॅकमधील गॅपमध्ये पडला. सुदैवाने या तरुणाचा जीव वाचला आहे. मात्र त्याच्या हाताला आणि पायाला जखम (Injury) झाली असून त्याच्यावर कळव्यातील छत्रपती शिवाजी महाराज रुग्णालयात उपचार सुरु आहेत. २३ जून रोजी सकाळी साडे ९ वाजण्याच्या सुमारास हि घटना घडली आहे.
काळ आला होता पण…लोकलच्या मोटर कोचच्या डब्याला लटकला होता तरुण अन…#Local #Lifline #CentralRailway #YouthCollapse #VideoViral pic.twitter.com/XRwlSeso44
— TV9 Marathi (@TV9Marathi) June 23, 2022
या प्रकरणाचा अधिक तपास ठाणे रेल्वे पोलीस करत आहेत. हा संपूर्ण थरारक प्रकार मोबाईल कॅमेरामध्ये कैद झाला असून मोठ्या प्रमाणात व्हायरल होत आहे.
