रायगड : जिल्ह्यात एका हृदयद्रावक घटनेने संपूर्ण महाराष्ट्रात खळबळ उडाली आहे. जिल्ह्यातील महाड तालुक्यात राहणाऱ्या एका महिलेने आपल्या 6 मुलांना विहिरीत फेकले, त्यामुळे सर्व मुलांचा वेदनादायक मृत्यू झाला. रुना नावाच्या महिलेचे पती चिखुरी साहनीसोबत भांडण झाल्याचे सांगण्यात येत आहे. यावरून सोमवारी रात्री आठच्या सुमारास त्यांनी आपल्या 6 मुलांना विहिरीत ढकलून टाकले. त्यानंतर तिने स्वतः विहिरीत उडी घेतली.
रुना विहिरीत उडी मारण्यासाठी जात असताना तिथून जाणाऱ्या एका व्यक्तीने तिला पाहिले. त्या माणसाने आवाज करून गावकऱ्यांना जमवले. रुनाला कसेबसे सुखरूप बाहेर काढण्यात आले, मात्र निरागस मुलांना वाचवता आले नाही. वृत्त लिहेपर्यंत पोलिसांनी ४ मुलांचे मृतदेह विहिरीतून बाहेर काढले होते, तर दोघांचा शोध सुरू होता.
हे पण वाचा :
सर्वांसाठीच खुशखबर! मान्सून अखेर केरळमध्ये दाखल, पुढील आठवड्यात महाराष्ट्र्रात धडकणार
दिशा पटानीचा किलर लूक पाहून चाहते घायाळ !
महाराष्ट्र हरला ! अंघोळ करताना अल्पवयीन मुलीला बाथरूम मधून फरपटत शेतात नेत केला बलात्कार
धाकटी मुलगी अवघी दीड वर्षांची होती
रुनाचा नवरा नेहमी दारूच्या नशेत असायचा आणि तिला मारहाण करत असे. सोमवारीही रुनाचे पतीसोबत भांडण झाले. रुनाला पाच मुली आणि एक मुलगा होता. मोठ्या मुलीचे वय 10 वर्षे, तर सर्वात लहान मुलीचे वय अवघे दीड वर्षे असल्याचे सांगण्यात येत आहे.
पोलीस तपासात गुंतले
घटनेची माहिती मिळताच अग्निशमन दल आणि बचाव पथकासह पोलीस घटनास्थळी पोहोचले. प्रकरणाचे गांभीर्य पाहता रायगडचे पोलिस अधीक्षक अशोक दुधे, अतिरिक्त पोलिस अधीक्षक अतुलकुमार झेंडे हेही घटनास्थळी पोहोचले. पोलिसांनी गुन्हा दाखल करून घटनेचे नेमके कारण शोधण्याचा प्रयत्न सुरू केला आहे.
