प्रेम याला मृत घोषित केल्यानंतर त्याच्या नातेवाईकांनी मृतदेह घरी नेला. घटनेची माहिती मिळताच पोलीस उपनिरीक्षक आर. एस. क्षीरसागर, रविंद्र पाटील यांनी घटनास्थळी धाव घेतली. त्यानंतर नातेवाईकांची समजूत काढल्यानंतर प्रेमचा मृतदेह शवविच्छेदनासाठी शासकीय वैद्यकीय रुग्णालयात आणला. शुक्रवारी सकाळी शवविच्छेदन झाल्यानंतर मृतदेह नातेवाईकांच्या स्वाधीन करण्यात आला.
प्रेम हा शहरातील सेंट लॉरेन्स शाळेत इयत्ता नववीचे शिक्षण घेत होता. तो अभ्यासात प्रचंड हुशार असल्याने तो अधिक वेळ अभ्यासाठी देत होता. याच अभ्यासाच्या तणावातून त्याने हे टोकाचे पाऊल उचलले असावे असा प्राथमिक अंदाज व्यक्त करण्यात आला आहे. या घटनेमुळे प्रेमच्या आई -वडिलांना जबर मानसिक धक्का बसला आहे.
