नवी दिल्ली: टेलिकॉम कंपनी Reliance Jio कडे २९६ रुपयांचा एक स्वस्त प्लान उपलब्ध आहे. या प्लानमध्ये तुम्ही कोणत्याही लिमिटशिवाय डेटा वापरू शकता. तसेच, कॉलिंग आणि एसएमएसची सुविधा मिळेल. तुम्ही जर कोणत्याही लिमिटशिवाय जास्त डेटा वापरत असाल तर हा प्लान तुमच्यासाठी फायद्याचा ठरेल.
रिलायन्स जिओच्या या प्लानमध्ये तुम्ही कितीही डेटा वापरू शकता. म्हणजेच, दररोज किती डेटा वापरायचा यावर कोणतीही मर्यादा नाही. याशिवाय, कंपनीचा हा एकमेव असा प्लान आहे, जो संपूर्ण महिनाभर म्हणजेच ३० दिवसांच्या वैधतेसह येतो. जिओच्या या प्लानची किंमत ३०० रुपयांपेक्षा कमी आहे. या प्लानमध्ये अनलिमिटेड वॉइस कॉलिंग आणि दररोज मोफत एसएमएसची देखील सुविधा मिळेल. जिओच्या या स्वस्त प्लानविषयी सविस्तर जाणून घेऊया.
Jio चा २९६ रुपयांचा प्लान
रिलायन्स जिओचा २९६ रुपयांचा हा रिचार्ज जिओच्या फ्रीडम प्लान्स कॅटेगरीमध्ये येतो. या प्लानमध्ये एकूण २५ जीबी डेटा मिळतो. या प्लानचे वैशिष्ट्ये म्हणजे यात दररोज कितीही डेटा वापरू शकता. म्हणजेच, तुम्ही एकाच दिवशी प्लानमध्ये मिळणार संपूर्ण २५ जीबी डेटा देखील वापरू शकता. नो डेली डेटा लिमिटसह येणारा हा जिओचा एकमेव प्लान आहे. जिओच्या २९६ रुपयांच्या प्लानमध्ये तुम्हाला देशभरात कोणत्याही नेटवर्कवर अनलिमिटेड वॉइस कॉलिंगची देखील सुविधा मिळते. याशिवाय प्लानमध्ये दररोज १०० मोफत एसएमएसची सुविधा दिली जात आहे. अतिरिक्त बेनिफिट्सबद्दल सांगायचे तर यामध्ये Jio TV, Jio Cinema, Jio Security आणि JioCloud सारख्या जिओ अॅप्सचे मोफत सबस्क्रिप्शन देखील मिळते.
