चाळीसगाव : दोन ट्रक समोरासमोर धडकल्याने झालेल्या अपघातात एक जण जागीच ठार अन्य 1 जण गंभीर जखमी झाला. हा अपघात मंगळवारी रात्री सात वाजेच्या सुमारास चाळीसगाव-धुळे रेल्वे उड्डाणपुलावर घडला. अपघातामुळे जवळपास तासभर वाहतूक विस्कळीत झाली.
अपघातानंतर पोलिस प्रशासनाची धाव
अपघात झाल्यानंतर आजूबाजूला असलेल्या गवतात आणखी कुणी अडकले आहे? का याचा शोध पोलीस घेत होते. अपघातातील आणखी काही जण पडण्याची शक्यता असल्याने पोलिसांनी त्या दिशेने तपासाला सुरुवात केली. पोलीस निरीक्षक के.के पाटील स्वतः आपल्या लवाजम्यासह घटनास्थळी तळ ठोकून होते.
ट्रक पुलावर अधांतरी लटकल्या
धुळ्याकडून चाळीसगावकडे येणारी ट्रक (क्रमांक एम.एच.18 ए.ए. 5175) ने समोरून येणारी ट्रक (क्रमांक एच.18 बी.ए.2191) धडक दिल्याने दोनी ट्रक पुलावर अधांतरी लटकल्या. अपघातात सायकलस्वार सापडल्याने त्याचा जागीच मृत्यू झाला तर अन्य एक जण जखमी झाला. जखमी व मृताची ओळख पटवली जात आहे. दोन्ही वाहनांचे चालक अजून मिळून आलेले नाहीत.
