भुसावळ प्रतिनिधी | शहरात पुन्हा एकदा खून झाल्याने खळबळ उडाली आहे. शहरातील आरपीडी रोडवरील मच्छी मार्केटच्या परिसरात एका महिलाचा मृतदेह आढळून आल्याने खळबळ उडाली आहे. या महिलेची अतिशय क्रूर पध्दतीत हत्या करण्यात आल्याचे दिसून येत आहे. तिच्या अंगावर धारदार शस्त्राचे वार केल्याचे दिसून येत असून शारीरीक अत्याचार केल्यानंतर तिचा निर्घृण खून करण्यात आल्याची प्राथमिक माहिती समोर आली आहे.
या घटनेची माहिती मिळताच डीवायएसपी सोमनाथ वाघचौरे यांनी देखील घटनास्थळी पाहणी केली. दरम्यान, ही महिला नेमकी कोण आणि कुठली रहिवासी ? याबाबतची माहिती अद्यापही पोलिसांना मिळालेली नाही. या संदर्भात शेवटचे वृत्त हाती आले तेव्हा गुन्हा नोंदविण्याचे काम सुरू होते. भुसावळ शहरातील गुन्हेगारी ही अनेकदा चर्चेचा विषय होत असते. अगदी अलीकडेच उपमुख्यमंत्र्यांच्या दौर्‍यात देखील याचा उल्लेख झाला होता. या पार्श्‍वभूमिवर शहरात पुन्हा एकदा खून झाल्याने खळबळ उडाली आहे.
