धुळे प्रतिनिधी | शहरातील मोहाडी उपनगर परिसरात राहणाऱ्या ११ वर्षीय अल्पवयीन मुलीवर ७१ वर्षाच्या वृध्दाने बलात्कार केला. शांताराम अहिरे असे या वृध्दाचे नाव आहे. या प्रकरणी पीडित मुलीच्या आईने दिलेल्या तक्रारीवरुन मोहाडी पोलिस ठाण्यात गुन्हा दाखल झाला.
गेल्या आठवड्यात अल्पवयीन मुलगी शेळ्यांना चारा घेण्यासाठी घराबाहेर पडली होती. रेल्वे मार्गाजवळ ती चारा घेण्यासाठी आली होती. या वेळी शांताराम शिवराम अहिरे (रा. दंडेवाले बाबानगर) याने चारा ताेडून देण्याचे आमिष दाखविले. त्यानंतर सायकलवर बसवून त्याने मुलीला सावळदे शिवारातील शेतात नेले. तेथे तिच्यावर अत्याचार केला. तसेच या प्रकरणाची वाच्यता केल्यास आई वडिलांना ठार मारेल अशी धमकी दिली.
या प्रकारामुळे बालिका भेदरली होती. अत्याचारामुळे तिला त्रास होऊ लागला. त्यानंतर तिने हा प्रकार आईला सांगितला. या प्रकरणी पीडित मुलीच्या आईने दिलेल्या तक्रारीवरुन मोहाडी पोलिस ठाण्यात गुन्हा दाखल झाला. पोलिस अधिकारी दत्तात्रय शिंदे व पथकाने शांताराम अहिरे याला अटक केली आहे
