सुसाईड नोट लिहून डॉक्टर तरुणीची आत्महत्या, तीन महिन्यापूर्वीच झाला होता प्रेमविवाह

औरंगाबाद : पाच पानांची सुसाईड नोट लिहून डॉक्टर तरुणीनं रक्तवाहिनीत इन्सुलिनचं इजेक्शन घेत आत्महत्या केल्याची खळबळजनक घटना औरंगाबाद जिल्ह्यामध्ये घडलीय. आत्महत्या केलेल्या डॉक्टर तरुणीचं नाव वर्षा असून तिनं लव्ह मॅरेज केलं होतं. तीन महिन्यांपूर्वी प्रेमविवाह केलेल्या डॉक्टर तरुणीने आत्महत्या करत आपली जीवनयात्रा संपविल्यामुळे सगळ्यांना धक्का बसलाय. दरम्यान, याप्रकरणी पतीसह सासूवरही गुन्हा नोंदवण्यात आला आहे.

वर्षा आंबदास व्यवहारे यांचे धनंजय वसंत मोरे यांच्यासोबत गेल्या तीन वर्षांपासून प्रेमसंबंध होते. डॉक्टर वर्षा यांचा पती इंजिनिअर होता. तीन वर्षांपासून वर्षा आणि तिच्या पतीचे प्रेमसंबंध होतं. मात्र लग्नाला अवघे काही महिने उलटल्यानंतर डॉक्टर वर्षा यांनी आत्महत्या केली. डॉक्टर तरुणीने आत्महत्या केल्यानं सगळ्यांनाच धक्का बसला आहे. वर्षा व्यवहारे यांच्या आईवडिलांसह नातलगा या घटनेनं धास्तावले असून मुलीनं उचललेलं टोकाचं पाऊल व्यवहारे कुटुंबीयांच्या मनाला चटका लावून गेलंय.

हे पण वाचा.. 

सावधान : राज्यातील या भागांना मुसळधार ते अतिमुसळधार पावसाचा इशारा

पाळणा हलला, दोऱ्या कोणाकडे?…‘सामना’मधून शिंदे फडणवीस सरकारवर जोरदार टीका

..आता पालकमंत्री पदावरून वाद नको, जिल्‍ह्याचा विकास करा ; एकनाथ खडसे

ईशा गुप्ताने केला आतापर्यंतचा सर्वात बोल्ड Video शेअर

पाच पानांची सुसाईड नोट
डॉ वर्षा यांनी पाच पानी सुसाईड नोटही लिहिली आहे. यामध्ये त्यांनी आपल्या आईवडिलांची माफीही मागितली आहे. दरम्यान, या सुसाईट नोटच्या आधारे औरंगाबाद पोलीस पुढील तपास करत असून या घटनेनं परिसरात खळबळ माजली आहे. ज्या मुलीलाल लहानाचं मोठं करुन डॉक्टर बनवलं, तिनं आत्महत्या केल्याचं कळल्यानंतर वर्षा यांच्या आईवडिलांनी एकच आक्रोश केलाय. आता पोलिसांनी डॉ. वर्षा यांना आत्महत्येला प्रवृत्त केल्याचा ठपका ठेवत पती धनंजय आणि सासूनवर गुन्हा दाखल करुन घेतला आहे. पुढील तपासही पोलिसांकडून केला जातोय.