मुंबई : सणासुदीच्या काळात तुमचा EMI अधिक महाग झाला आहे. RBI ने सलग चौथ्यांदा रेपो दरात वाढ करण्याचा निर्णय घेतला आहे. आरबीआयने रेपो रेट 5.40 टक्क्यांवरून 5.90 टक्क्यांपर्यंत वाढवला आहे, रेपो रेटमध्ये 50 बेसिस पॉइंट्सची वाढ केली आहे. आरबीआयच्या आर्थिक धोरणाच्या बैठकीनंतर गव्हर्नर शक्तिकांत दास यांनी ही घोषणा केली आहे. म्हणजेच आता पाच महिन्यांत १.९५ टक्के वाढ झाली आहे.
EMI महाग होईल
आरबीआयच्या या निर्णयानंतर गृहकर्जापासून ते कार कर्ज आणि शैक्षणिक कर्ज महागणार हे निश्चित आहे. दुसरीकडे, ज्यांनी आधीच गृहकर्ज घेतले आहे, त्यांचा ईएमआय अधिक महाग होईल. चलनविषयक धोरण समितीच्या तीन दिवसांच्या बैठकीनंतर RBI गव्हर्नरने रेपो दरात वाढ करण्याचा निर्णय घेतला आहे.
महागाई वाढल्यामुळे घेतलेला निर्णय
28 सप्टेंबरपासून चलनविषयक धोरण समितीची बैठक सुरू झाली. ऑगस्ट महिन्यात किरकोळ महागाईचा दर ७ टक्के होता. त्यामुळे महागाई रोखण्यासाठी आरबीआयला व्याजदरात वाढ करण्याचा निर्णय घ्यावा लागला.
हे पण वाचा :
शिंदे-फडणवीस सरकारचा मोठा निर्णय ; राज्यातील ‘या’ शेतकऱ्यांना ७५५ कोटींची मदत जाहीर
राज्यातील ४४ अधिकाऱ्यांच्या बदल्या
राज्यातील या जिल्हा परिषदेत नोकरीची सुवर्णसंधी.. 20000 पगार मिळेल, आताच अर्ज करा
भारतीय संघाला मोठा धक्का ; T20 वर्ल्ड कपमधून अनुभवी वेगवान गोलंदाज बाहेर
चौथ्यांदा कर्ज महाग झाले
2022-23 या आर्थिक वर्षात RBI ने वाढत्या महागाईनंतर सलग चौथ्यांदा रेपो दरात वाढ करण्याचा निर्णय घेतला आहे. 4 मे रोजी रेपो रेट 40 बेसिस पॉईंट्सने वाढवून 4.40 टक्के करण्यात आला होता, त्यानंतर 8 जून रोजी 50 बेसिस पॉईंटने वाढ करण्यात आला होता, त्यानंतर ऑगस्टमध्ये रेपो रेट पुन्हा 50 बेसिस पॉईंटने वाढवण्यात आला होता. आणि 30 सप्टेंबर 2022 रोजी रेपो दरात पुन्हा 50 बेसिस पॉईंट्सची वाढ करण्यात आली. RBI च्या या निर्णयानंतर रेपो रेट 1.90 टक्क्यांनी वाढला आहे. RBI च्या ताज्या निर्णयानंतर खाजगी ते सरकारी बँकांना कर्ज महाग होऊ शकते.
