वाशिम : ऑनलाइन फसवणुकीच्या घटना दिवसेंदिवस वाढत असून अशातच भोळ्या-भाबड्या शेतकऱ्यांची फसवणूक झाल्याचा धक्कादायक प्रकार समोर आलाय. पीएम कुसुम योजनेच्या नावाखाली एका शेतकऱ्याला लाखों रुपयांची फसवणूक झाली आहे.वाशिम जिल्ह्यातील मंगरूळपीर तालुक्यातील सोनखास येथील संजय खोचे नामक शेतकऱ्यासोबत ही घटना घडली आहे.
नेमका काय आहे प्रकार?
संजय खोचे यांनी दिलेल्या माहितीनुसार, ते आपल्या मोबाईलवर बाजार भाव पाहत होते. बाजार भाव पाहत असतानाच त्या ठिकाणी पीएम कुसुम योजनेचीं जाहिरात आली. त्या जाहिरातीत एका वेबसाईटची लिंक होती. संबंधित वेबसाईट ही पीएम पुसून योजनेप्रमाणेच भासत असल्याने संजय यांनी त्या वेबसाईटवर जाऊन आपल्या पत्नीच्या नावाने या योजनेसाठी अर्ज केला.
यामध्ये त्यांनी खाते क्रमांक देत नोंदणी शुल्क व 382,274 रुपयांचा भरणा देखील केला. त्यानंतर त्यांनी संबंधित कंपनीसोबत संपर्क साधण्याचा प्रयत्न केला. मात्र कंपनी सोबत त्यांचा संपर्क झाला नाही. मग त्यांनी आपल्या परिचयातील एका व्यक्तीकडून संबंधित वेबसाईटची चौकशी केली. तेव्हा त्यांना आपली फसवणूक झाल्याचे समजले.
हे पण वाचाच..
आधी मैत्री मग लग्न ; पण हनीमूनच्या रात्री पत्नीविषयी गुपित कळल्याने तरुणाच्या पायाखाली जमीनच सरकली..
उद्धव ठाकरे पुन्हा भाजपसोबत युती करणार, पण.. मंत्री दीपक केसरकरांच्या गौप्यस्फोटाने खळबळ
कुत्र्यांच्या कळपाने ५ वर्षीय चिमुकल्याला घेरलं अन्.. काळजाचा ठोका चुकवणारा VIDEO व्हायरल
यानंतर मग त्यांनी मंगळूरपीर पोलीस स्थानकात संबंधित घटनेबाबत गुन्हा दाखल केला. संबंधित शेतकऱ्याच्या तक्रारीवर आता या बोगस कंपनी विरोधात गुन्हा दाखल झाला आहे. दरम्यान, या घटनेने शेतकऱ्यांना मात्र सावध राहण्याचा सल्ला दिला आहे. शेतकरी बांधवांनी कोणत्याही योजनेची संपूर्ण शहानिशा करण्याखेरीज अशा पद्धतीने ऑनलाईन पैशांचा भरणा करणे टाळावे. अनेकदा योजनेचे आमिष दाखवून शेतकऱ्यांकडून फसवणूक ही केली जाते.
यामुळे, योजनेची पूर्ण शहानिशा करून तसेच शासकीय योजनेबाबत माहिती जाणून घेण्यासाठी संबंधित कार्यालयात जाऊन अर्ज करणे शेतकऱ्यांच्या फायद्याचे राहणार आहे. कृषी विभागाच्या कोणत्याही योजनेची माहिती घेण्यासाठी जवळील कृषी विभागाच्या कार्यालयात शेतकऱ्यांनी भेट द्यावी आणि अधिकाऱ्यांकडून योजनेसंदर्भात माहिती घेऊनचं अर्ज करावा असं जाणकारांकडून सांगितलं जात आहे.
