ओबीसी, यूबीआय, विजया बँक आणि देना बँकांची विद्यमान चेकबुक १ एप्रिलपासून बंद होणार असून त्यापूर्वी आपण आपलं खातं विलीन झालेल्या बँकेत अद्यावत करुन घ्या अन्यथा आपणास व्यवहार करण्यास अडचण निर्माण होऊ शकते.
देना बँक, विजया बँक, कॉर्पोरेशन बँक, आंध्र बँक, ओरिएंटल बँक ऑफ कॉमर्स, युनायटेड बँक आणि अलाहाबाद बँक यांचे यशस्वी विलीनीकरण करण्यात आले आहे.तरी बँकांच्या ग्राहकांनी किंवा खातेदारांचे या बँकांचे चेकबुक आणि पासबुक १ एप्रिल २०२१ पासून अवैध होणार आहेत.
ओरिएंटल बँक ऑफ कॉमर्स (ओबीसी) आणि युनायटेड बँक ऑफ इंडिया यांचे पंजाब नॅशनल बँक (पीएनबी) मध्ये विलीनीकरण झाले, त्यानंतर सिंडिकेट बँकेचा कॅनरा बँक, आंध्र बँक आणि कॉर्पोरेशन बँक विलय व युनियन बँक ऑफ इंडियामध्ये विलय आणि अलाहाबाद बँक विलीनीकरण झाले. इंडियन बँक
आपल्या ग्राहकांना इशारा देत पीएनबी आणि बँक ऑफ बडोदाने आधीच माहिती दिली होती की ओबीसी, युनाइटेड बँक ऑफ इंडिया, विजया बँक आणि देना बँकेची विद्यमान चेकबुक १ एप्रिलपासून बंद करण्यात येणार आहेत.
या बँकांच्या ग्राहकांना हे देखील माहित असावे की त्यांचे खाते क्रमांक, आयएफएससी, एमआयसीआर कोड, शाखेचा पत्ता, चेक बुक, पासबुक बदलतील. तथापि, सिंडिकेट बँक आणि कॅनरा बँकेचे विद्यमान चेकबुक आणि पासबुक 30 जून 2021 पर्यंत वैध असणारं आहे.
तसेच नवीन चेकबुक आणि पासबुक कोणत्याही प्रकारच्या अडचणी टाळण्यासाठी आपल्या बँक खात्याचा तपशील नव्याने विलीन करण्यात आलेल्या बँकेत अद्यतनित करणे आवश्यक आहे.
