नवी दिल्ली : तुम्ही जर Hero ची बाईक किंवा स्कूटर खरेदी करण्याचा विचार करत असाल तर आताच खरेदी करा. कारण देशातील सर्वात मोठी दुचाकी कंपनी Hero MotoCorp १ जुलैपासून त्यांच्या मोटरसायकल आणि स्कूटरच्या किमतीत तब्बल ३ हजार रुपयाची वाढ करणार आहेत. वाढत्या महागाई आणि खर्चामुळे कंपनी ही वाढ करत आहे.
Hero MotoCorp ने एका निवेदनात म्हटले आहे की, मॉडेल आणि बाजारपेठेनुसार दरवाढ बदलू शकते. सतत वाढणाऱ्या खर्चाची अंशत: भरपाई करण्यासाठी दरवाढ आवश्यक असल्याचे कंपनीने म्हटले आहे. Hero MotoCorp एंट्री-लेव्हल HF100 पासून विविध मॉडेल्सची विक्री करते, ज्याच्या किमती रु. 51,450 पासून सुरू होतात, तर Xpulse 200 4V ची किंमत रु. 1.32 लाख (एक्स-शोरूम दिल्ली) आहे.
कंपनीने वर्षाच्या सुरुवातीला किंमत वाढवली होती
हिरोने यापूर्वी जानेवारीमध्ये स्कूटर आणि मोटरसायकलच्या किमती वाढवल्या होत्या. त्यावेळी दोन हजार रुपयांपर्यंत वाढ करण्यात आली होती. याशिवाय, कंपनीने गेल्या वर्षी 1 जुलै रोजी मोटारसायकल आणि स्कूटरच्या एक्स-शोरूम किमतीत 3,000 रुपयांपर्यंत वाढ करणार आहेत. यापूर्वी 20 सप्टेंबर रोजी 3,000 रुपयांची वाढ केली होती.
हे पण वाचा :
भाजपचे राज्यपालांना पत्र! पत्राद्वारे केली ही मोठी मागणी, वाचा जसंच्या तसं पत्र
लोकल ट्रेनला लटकणे पडले महागात; तरुणाचा हात सुटला अन्… घटनेचा थरारक Video व्हायरल
नियमित कर्जफेड करणाऱ्या शेतकऱ्यांसाठी खुशखबर.. सरकारने केली ही मोठी घोषणा
आनंदाची बातमी : खाद्यतेलाच्या किमतीत घट, जाणून घ्या काय आहेत दर
हिरोची विक्री वाढली
भारतातील टॉप 6 दुचाकी उत्पादक Hero, Honda, TVS, Bajaj, Suzuki आणि Royal Enfield यांनी एप्रिल 2022 मध्ये देशात 10,99,167 युनिट्स विकल्या आहेत. ही संख्या 1,45,829 युनिट्स म्हणजेच गेल्या एप्रिलच्या तुलनेत 15.3 टक्के अधिक आहे. त्याच वेळी, जगातील सर्वात मोठ्या दुचाकी उत्पादक कंपनीची विक्री या एप्रिल 2021 च्या तुलनेत गेल्या महिन्यात 16.31 टक्क्यांनी वाढली आहे. यादरम्यान कंपनीने देशांतर्गत बाजारात ३,४२,६१४ युनिट्सची विक्री केली आहे. तथापि, मार्च 2022 च्या तुलनेत कंपनीच्या विक्रीचा आकडा 4.15 टक्क्यांनी (17,274 युनिट्स) कमी होता. हिरोने या कालावधीत 4,15,764 मोटारींची विक्री केली होती.
कंपनी लवकरच इलेक्ट्रिक बाइक लॉन्च करू शकते
हिरो इलेक्ट्रिक ही भारतातील सर्वात मोठ्या इलेक्ट्रिक दुचाकी उत्पादकांपैकी एक आहे. लो-स्पीड आणि हाय-स्पीड या दोन्ही विभागांमध्ये इलेक्ट्रिक स्कूटर्सची श्रेणी सादर केल्यानंतर, इलेक्ट्रिक वाहन निर्माता कंपनी आता आपली पहिली इलेक्ट्रिक मोटरसायकल AE-47 भारतात सादर करण्याच्या तयारीत आहे. ही बाईक ऑटो एक्सपो 2020 मध्ये प्रदर्शित करण्यात आली होती आणि या वर्षाच्या अखेरीस ती बाजारात दाखल होण्याची शक्यता आहे.
