मुक्ताईनगर | धावत्या बसचे टायर फुटल्यामुळे चालकाचे बसवरील नियंत्रण सुटल्याने बस थेट बाजूलाच असलेल्या शेताच्या बांधावर जाऊन धडकली. ही घटना मुक्ताईनगर तालुक्यातील कुर्हा-काकोडा गावाजवळ घडली असून यात नऊ प्रवाशी जखमी झाले आहे.
मुक्ताईनगर आगाराची एमएच २० बीएल-१७७० या क्रमांकाची बस आज जळगाव येथून निघून काटेलधामकडे येत होती. दरम्यान, मुक्ताईनगर तालुक्यातील कुर्हा-काकोडा गावाजवळ असलेल्या पारंबी फाट्याजवळ बसचे टायर अचानक फुटले. यामुळे चालकाचे बसवरील नियंत्रण सुटल्याने बस ही बाजूलाच असलेल्या शेताच्या बांधावर जाऊन धडकली. आज सकाळी हा अपघात घडला.
हे पण वाचा..
Jalgaon | या समाजातील गरजूंना मिळेल एक लाखापर्यंत कर्ज; कसा आणि कुठे अर्ज कराल
500 रुपयाच्या ‘स्टार’ चिन्हांकित नोटेबाबत RBI ने घेतला मोठा निर्णय ; तुमच्याकडेही आहे का ही नोट?
तीन महिन्यापुर्वीच विवाह;घरी एकट्या असता तरुणाने केलं असं काही.. जळगावातील घटना
या अपघातामध्ये नऊ प्रवासी किरकोळ जखमी झाले आहेत. यात प्रतीक्षा सुनील झांबरे ( २२, रा. आळंद ); समाधान उखर्डु तायडे ( ६९, रा. मानेगाव ); कमल गोविंदा पवार ( ५९, रा. वढोदा ); जानकोर त्र्यंबक महाले ( ७५, रा. वढोदा); नलीनी भास्कर न्हावी ( ७०, रा. वढोदा); अनुराधा पाटील ( ३५, मेळसांगवे); कस्तुराबाई भोलणकर ( ७०, रा. शिरसोली); सपना विनोद पाटील ( २७, रा. जामनेर); सार्थक विनोद पाटील (२, रा. जामनेर) यांचा समावेश आहे.
दरम्यान, अपघाताची माहिती मिळताच परिसरातील ग्रामस्थांनी घटनास्थळी धाव घेतली. बसमधील अपघातामधील रूग्णांवर प्राथमिक उपचार करण्यात आले आहेत. सुदैवाने या अपघातात प्राणहानी टळली आहे.
