ठाणे : कल्याण-डोंबिवली महानगरपालिकेच्या निवडणुकीपूर्वीच मनसेला मोठी खिंडार पडल्याची बातमी समोर आली आहे. कल्याण-डोंबिवली महानगरपालिकेतील दोन माजी नगरसेवकांनी शिवसेनेत प्रवेश करणार आहेत. गजानन पाटील आणि पूजा पाटील, अशी या दोन माजी नगरसेवकांची नावे आहेत.
गेल्या काही दिवसांपासून राज ठाकरेंचा मनसे हा पक्ष राज्यात चर्चेत आहे. त्यातच आता मनसेला कल्याण-डोंबिवली महानगरपालिकेच्या निवडणुकीपूर्वी खिंडार पडल्याचे समोर आले आहे. कल्याण-डोंबिवली मनपातील दोन माजी नगरसेवक हे महाराष्ट्र नवनिर्माण सेनेला सोडचिठ्ठी देत शिवसेनेत प्रवेश करणार आहेत. गजानन पाटील आणि पूजा पाटील, अशी या दोन नगरसेवकांची नावे आहेत. ते कल्याण ग्रामीण मतदार संघातील आहेत. मुख्यमंत्री आणि शिवसेनेचे पक्षप्रमुख उद्धव ठाकरे यांच्या उपस्थितीत वर्षा या मुख्यमंत्र्यांच्या निवासस्थानी हा पक्षप्रवेश होणार आहेत.
